• Mingbulok.uz

    asosiy portali

    Demo

    Hukumat

    Kirish

    Demo

    Davlat ramzlari

    Gerbimiz

  • Aholi

    Qishloqlar

    • Jamashuv
    • Tegirmon
    • Qog'yli ko'l
  • Biz bilan bog'lanish

    Hizmatlar

    Demo

Jomashuy

60 yillik toy

batafsil

Istirohat bog'i

Demo

Do'stilk madaniyat va istirohat bog'i

batafsil

Madaniyat saroyi

Demo

Madaniyat saroyi haqida qisqacha ma'lumot.

batafsil

ПАХТА ХИРМОНИМИЗ 31500 ТОННАДАН ОШДИ РЕЖА УДДАЛАНГАН БЎЛСА-ДА, ТЕРИМ ДАВОМ ЭТМОҚДА

Туманимизда Ўзбекистон Республикаси мустақиллигининг 28 йиллиги нишонланган йил муваффақиятли якунланмоқда. Жумладан, агросаноат тизимида барча соҳалар бўйича юксак натижаларга эришиляпти. Пиллачилик ва ғаллачиликда белгиланган шартномавий режаларни зиёди билан адо этдик.

Шаҳарсозлик жараёнида уй-жойларни бузиш ҳамда муҳтож оилаларни уй-жой билан таъминлаш масаласида Мингбулоқ тумани ҳокимлиги баёноти

Мингбулоқ тумани ҳокимлиги туман маркази - Жомашуй шаҳарчасида амалга оширилаётган шаҳарсозлик ишлари жараёнидаги уй-жойларни бузишда фуқаролар манфаати таъминланмаётгани ҳамда туманда оғир ижтимоий вазиятга тушиб қолган хотин-қизларга, ногиронлиги бўлган, кам таъминланган, фарзандларини тўлиқсиз оилада тарбиялаётган ва уй-жой шароитини яхшилашга муҳтож оналарга арзон уй-жойлар берилмаётгани билан боғлиқ ижтимоий тармоқларда ҳамда Youtube каналида тарқалаётган видеолавҳалар юзасидан қуйидагиларни баён қилади:

Сўнгги пайтларда ижтимоий тармоқларда Мингбулоқ туманида шаҳарсозлик ишлари жараёнидаги уй-жойларни бузиш жараёнида қонун талабларига амал қилинмаётгани иддао этилган видеолавҳалар тарқатилиш ҳолатлари кузатилмоқда. Бу борада ўртага ташланаётган масалалар, ҳаққонийлик даражасидан қатъий назар, барчаси туман ҳокимлиги томонидан жиддий эътиборга олиниб ўрганиб чиқилмоқда.

Бу лавҳалар тарқатилаётган манба томонидан энг сўнг эълон қилинган видеода туманда яшовчи бир неча фуқаролар томонидан ўртага ташланган уй-жойларни бузиш билан боғлиқ ҳамда бошқа масалалар ҳамда бу масалаларнинг Республикамиз Президенти номига йўллангани боис, туман ҳокимлиги ҳар бир келтирилган масала юзасидан мавжуд ҳолатни алоҳида баён қилишни лозим топди:

Видеолавҳа, туман маркази Жомашуй шаҳарчаси Бирлашган МФЙ ҳудудида яшовчи ногирон фарзанди бор фуқаро Умида Эргашеванинг Президентга мурожаати билан бошланиб, ҳозирги пайтда уй-жойи йўқлигини, ҳар жойга борганини, 3-4 йилдан бери сарсонлигини айтиб шикоят қилади.

Ўзбекистонда олиб борилаётган халқчил давлат сиёсатининг бир бўлаги ҳамда халқ манфаатларининг давлат сиёсатида устуворлигининг исботи сифатида 2018 йил 12 апрелда қабул қилинган “Оғир ижтимоий вазиятга тушиб қолган хотин-қизларга, ногиронлиги бўлган, кам таъминланган, фарзандларини тўлиқсиз оилада тарбиялаётган ва уй-жой шароитини яхшилашга муҳтож оналарга арзон уй-жойлар бериш тартиби тўғрисида”ги низом талабларини бажариш бўйича республикамизнинг бошқа ҳудудларида бўлгани каби Мингбулоқ туманида кенг қамровли ишлар олиб борилмоқда. Бунда ариза берувчиларнинг уй-жойга муҳтожлиги даражасига кўра уй-жой билан таъминлаш йўлга қўйилмоқда. Дастурда иштирок этиш истагини билдирган ариза берувчиларнинг сони кўплигини ҳамда узоқ йиллар давомида йиғилиб қолган муаммонинг бир йилда барча учун ҳал қилиниши имконсиз эканини ҳисобга олган ҳолда, шу билан бирга оғир ижтимоий вазиятга тушиб қолган хотин-қизларни арзон уй-жойлар билан таъминланишга қадар бўлган муддатда яшаш шароитларини имкон қадар яхшилаш мақсадида тумандаги бўш турган баъзи объектлар вақтинча яшаш турар-жойларига айлантирилди ҳамда Дастурда иштирок этиш учун ариза топширганларга таклиф этилди. Бу объектларда ҳам яшаш учун барча шароитлар яратилди, тўла таъмирлаш ишлари ўтказилди.

Фуқаро Умида Эргашевага ҳам 2018 йил 20 декабрь куни Ёшлик МФЙ ҳудудида жойлашган туман ҳокимлиги балансидаги уй ажратилган. Бироқ фуқаро ёзма равишда ўз хоҳиши билан у уйни рад этиб, туман марказида қурилаётган намунали уй-жойлардан хонадон ажратиб берилишини сўраган. (қуйидаги келтирилади).

 

2019 йилда унинг илтимоси қондирилиб, Жомашуй шаҳарчаси Мустақиллик МФЙда қурилиши давом этаётган кўп қаватли уйдан хонадон ажратилган. Наманган вилояти ҳокимининг 2019 йил 27 июндаги 280-ф сонли фармойиши билан, туманнинг яна етти уй-жойга муҳтож фуқароси билан бирга, Умида Эргашевага ҳам 10 миллион сўм маблағ (Фармойиш бўйича жами 80 миллион сўм) янги уйнинг дастлабки бадал тўловини амалга ошириш учун ўтказиб берилган. (Фармойиш қуйида келтирилади).

 

Мустақиллик МФЙда қурилиши давом этаётган кўп қаватли турар-жой қурилиш ишлари жорий йил декабрь ойида якунланади. (қуйида қурилиш жараёни расми келтирилган).

Фуқаро Умида Эргашева бу жараённи тўла билган ҳолда видеолавҳада қилган чиқишининг сабаби бизга ноаён. Ахборот манбаси ўзи тарқатаётган ахборотнинг тўғрилигини текшириб кўриши лозимлиги қонун талаби эканини шу ўринда эслатиб ўтиш лозим.

Видеолавҳа давомида туман марказидаги Қўриқобод МФЙда яшовчи фуқаро Иброҳим Рустамовнинг ахлатхонада яшаётгани ҳақида гап боради. Бу борада шуни маълум қилиш лозимки, амалга оширилаётган шаҳарсозлик ишлари жараёнида ушбу фуқаронинг уйи ҳам бузилиб, янгиланиши белгиланган. Фуқаро Рустамов, тадбиркорлар томонидан ўзи яшаётган ҳовлиси ҳудудига бошқа бино қуриш ҳамда ўрнига унга кўп қаватли уйлардан бир неча хонали хонадон тақдим этиш таклифларини рад этган. Айнан ўз ҳовлисида яшашни давом эттириш истагини билдирган. Унинг моддий имкониятлари пастлигини ҳисобга олган ҳолда, туман ҳокимлиги воситачилигида топилган ҳомийлар ҳисобига унинг эски уйи ўрнига янги уй қуриб берилмоқда, ҳозирда том ёпиш ишлари давом этмоқда. Уйи битгунгача бўлган даврда яшаб туриши учун вақтинча яшаш жойи тақдим этилган. (Иброҳим Рустамовнинг бузилишгача бўлган эски уйи ҳамда қурилаётган янги уйи расмлари қуйида келтиради).

Кимсасиз, ёлғиз яшовчи эканини айтаётган фуқаро Рустамовнинг иқтисодий ҳолати яхши даражада бўлган ака-укалари борлигини, улар томонидан ҳам бошқа жойга кўчиш таклифи бўлганини маълумот ўрнида тақдим этишни лозим деб ўйлаймиз.

Шу ўринда фуқаро Иброҳим Рустамов ҳамда уйи бузилган бошқа бошқа 10 нафар фуқаронинг, жами 11 аҳоли турар-жойлари учун 1,149 миллиард сўм ҳамда 18 та нотурар-жой объектлари учун 1,2692 миллиард сўм, жами 2,611 миллиард сўм компенсация маблағи масаласи ҳал этилганлиги ҳамда келгуси ҳафта давомида тўлаб берилиши расман маълум қилинади.

Видеолавҳада мурожаат билан чиққан яна бир фуқаро, Бозорова Машрабхонга тегишли бўлган Қўриқобод МФЙ Озодлик кўчасида жойлашган турар-жой ҳовли қисмининг бир қисми давлат ва жамоат эҳтиёжлари учун олинганлиги эътиборга олиниб, ушбу фуқарога “Обод Марказ” дастури асосан бузилишга тушиши белгиланиб, якунда бузилмаган ва бино-иншоотларига зарар етмаган фуқаро Хатамов Баҳриддинга ажратилган ер участкаси берилди. Тегишли 4603-сонли туман ҳокими қарори 2019 йил 30 сентябрь куни қабул қилинди. Туман марказида олиб борилган ободонлаштириш ишлар жараёнида фуқаро Бозорова Машрабхоннинг бино-иншоотларига умуман зарар етмаган. Туман ҳокимлигига қилаётган мурожаатлари ҳамда киритган даъво аризасида фақатгина ер участкаси масаласи кўтарилган, фуқаронинг бу талаби тўла қондирилди.

 Фуқаро Бозорова Машрабхон тадбиркор бўламан деса йўли тўсилаётгани, банк кредитлари берилмаётгани иддао қилган. Ҳолбуки, АТБ “Халқ банки” туман бўлими томонидан фуқаро Бозорова Машрабхонга 2018 йил 23 октябрда “Ҳар бир оила - тадбиркор” дастури асосида имтиёзли муддатли 7 фоизлик 20 миллион кредит ажратилган. 2019 йил 17 сентябрь куни яна АТБ “Халқ банки” туман бўлими томонидан Бозорова Машрабхоннинг келини Зилола Аҳмадалиева номига аёллар тадбиркорлиги қўллаб-қувватлаш дастури доирасида имтиёзли муддатли 8 фоизлик 20 миллион кредит ҳам ажратилди. Шунингдек, Бозорова Машрабхон номига 2019 йил 12 июнда 20 миллион сўмлик микроқарз ҳам расмийлаштириб берилган.

Видеомурожаатда олти йилдан бери ўзининг ижарада сарсон-саргардон бўлиб юрганини айтаётган фуқаро Муножот Холдорова, тумандаги Уюрчи Дамкўл МФЙ ҳудудида ўз ота-онаси билан бир уйда яшаши қайд этилган. Муножот Холдорова муроса қила олмай ота-онаси ёнидан айрилган ҳамда ишлаш учун Жомашуй шаҳарчасига келиб жойлашган. Туман ҳокимлигида уй-жой шароитини яхшилашга муҳтож она сифатида мурожаат қилган ҳамда рўйхатга олинган. Муножот Холдорованинг уй-жой шароитини яхшилаш бўйича мурожаати, қолган мурожаатчилар қаторида ижтимоий устуворлик асосида ҳал этилади.

Давлат эҳтиёжи учун уй-жойи бузилишга тушмаган, бироқ шаҳарсозлик ва бунёдкорлик ишлари жараёнида янгиланиши таклиф этилган Гўзал Ҳайитованинг бузилган уй-жойи қурилишини якунлаш учун туман ҳокимлиги томонидан ҳомийлик маблағлари ташкил этилгани ҳамда бу ишларнинг якунини тўла назоратга олиниши расмий маълум қилинади.

Шунингдек, уй-жой қурилишида иккинчи этажни ёпишда ёрдам сўраган Маъмура Мажидова, банкка кредит сўраб қилган қилган мурожаати қаноатлантирилиб, унга АТБ “Халқ банки” туман бўлими томонидан 30 миллион кредит ажратиш бўйича банк қарори чиқарилди. Яқин муддатда кредит ажратиб берилиши билдирилади.

Жомашуй шаҳарчасида яшовчи фуқаро Тўрабаева Дилфуза томонидан видеолавҳада исми келтирилмасдан қайд этилган қўшниси, ёлғиз яшовчи фуқаро Игорь Мимидиминовнинг ҳолати ўрганилганда, ҳақиқатдан ҳам унинг уй-жойини қуриб битказишга имкони йўқлиги аниқланди. Туман ҳокимлиги фуқаро Мимидиминовнинг уйининг томини ёпиб бериш бўйича ҳам ҳомийлик маблағлари уюштиришни ўз масъулиятига олади ҳамда ёғинли кунлар бошланмасдан бу ишнинг якунланишини таъминлайди.

Фуқаро Тўрабаева Дилфуза томонидан билдирилган зовурлар қирғоғининг аҳоли, айниқса болалар учун хавфли ҳолатга келиб қолгани ҳақиқатда мавжуд муаммо экани қайд этилади. Бу борада туман ҳокимлиги томонидан белгиланган режа мавжуд, жорий йил якунига қадар тегишли ишлар бошланиб, бу муаммо ҳал этилади.

Мингбулоқ тумани ҳокимлиги ўз фаолиятида туманда халқ розилиги ҳамда қонун талаблари ижроси таъминланишини устувор вазифа деб билади ва бунга асосан иш олиб боради. Аҳолининг мавжуд муаммоларини қонун доирасида ҳал этилишини изчил давом эттиради.

Сўнгсўз ўрнида, ижтимоий тармоқларда туман ижтимоий ҳаётига оид материалларни тарқатувчиларга, ахборот тарқатувчи, ўзи тарқатаётган ахборотнинг тўғрилигини текшириш бўйича қонун бўйича жавобгар эканини яна бир карра эслатиб ўтилади.

СОЛИҚ ТИЗИМИДА ЎЗГАРИШЛАР

Солиқ ва бюджет сиёсатининг асосий йўналишлари бў­йича қабул қилинган қонун ҳужжатларига мувофиқ, иш ҳақи фондига солиқ юкининг камайтирилганлиги боис, 2019 йил 1 апрелига қадар ходимлар сони ва меҳнатга ҳақ тўлаш фондини ихтиёрий равишда ҳисоботларда расмийлаштирган тақдирда аввалги даврлар учун қўшимча солиқлар ҳисоблашдан озод қилинган.

Азиз фуқаролар! Пенсия ёшига етгач, кўпроқ нафақа олишни хоҳлайсизми? Бугун иш жойингиздан меҳнат ҳаққингизни амалдаги тартиб асосида оляпсизми? Нега, дейсизми? Бу Сиз учун жуда муҳим! Агар "конверт" усулида ойлик олаётган бўлсангиз, бунга асло рози бўлманг! Унутманг! Эртанги нафақангиз - бугун тўлаётган солиқларингизга боғлиқ!

Ўзбекистон Республикаси Президентининг 2018 йил 26 декабрдаги ПҚ-4086-сонли қарорига асосан 2019 йил 1 январдан бошлаб якка тартибдаги тадбиркорларни солиққа тортиш режимига киритилган ўзгаришларга мувофиқ, календарь йилида товарларни (ишларни, хизматларни) реализация қилишдан олинган тушуми 100 миллион сўмдан ошмаган якка тартибдаги тадбиркорлар учун қатъий белгиланган солиқни ҳисоблаш ва тўлаш тартиби сақлаб қолинди.

 

Туман ДСИ.

АҲОЛИ РЎЙХАТГА ОЛИНАДИ

Президентимиз Фармони билан 2022 йилда Ўзбекистонда аҳолини рўйхатга олиш концепцияси тасдиқланди.

Мустақиллик йилларида мамлакатимизда аҳоли рўйхатга олинмаган. Охирги бор 1989 йили, деярли ўттиз йил олдин ўтказилган эди.

Ўзбекистон Республикаси аҳолисининг ишончли ахборот ва унинг фаровонлиги, узоқ муддатли башоратлар ва ижтимоий-иқтисодий ривожланиш бў­йича давлат дастурлари, янги иш ўринлари яратиш ва аҳолини иш билан таъминлаш дастурларини ишлаб чиқиш, миллий барқарор ривожланиш мақсадлари кўрсаткичларини шакллантириш, меҳнат ресурсларини жойлаштириш ва улардан фойдаланиш жараёнларини ўрганиш учун энг муҳим асосдир.

Мингбулоқ тумани ҳокимлиги: Мақсадимиз – халқ розилиги, “Озодлик”нинг мақсади-чи?

Мингбулоқ тумани ҳокимлиги: мақсадимиз – халқ розилиги, “Озодлик”нинг мақсади-чи?

11 июль куни “Озодлик” сайтида эълон қилинган “Андижондагига ўхшаган "уй операцияси" бир йил аввал Наманганда ҳам ўтказилгани маълум бўлди” номли материал юзасидан Мингбулоқ тумани ҳокимлиги қуйидагиларни баён қилади:

Халқ розилиги ва аҳоли турмуш фаровонлиги устуворлигида Ўзбекистонда олиб борилаётган ижтимоий сиёсатни ёлғонга чиқаришга, маҳаллий ҳокимиятларнинг жойларда аҳолининг муаммоларини ҳал этиш борасида олиб бораётган ҳаракатларини салбий талқинда ёритишга уринилган бу мақолада Наманган вилоят, Мингбулоқ туманида 2018 йилнинг августида 7 ногиронга тантанали топширилган янги уй калитлари тадбирдан сўнг олиб қўйилгани, ногиронлар эса ҳокимият балансидаги шароитсиз эски уйларга жойлаштирилгани таъкидланган.

Мингбулоқ туманида яшовчи ногиронлар Фарида Мамаризаева, Шаҳноза Расулова ва Нигора Самиева номидан қайта қайта “ногиронларга янги уй бериб, сертификат ва калитлари топширилгани, бироқ калитларни ўша куниёқ тортиб олиб қўйишгани” келтирилган.

Аслида, 2018 йилда Мингбулоқ туманида яшовчи, уй-жой эҳтиёжи бўлган ногиронлардан 7 нафарига туман ҳудудидан яшаш учун мослаштирилган бинолардан бепул уй-жой таклиф этилган, уларнинг розилиги берилган объектлар бўйича таъмирлаш ишлари олиб бориб, яшаш учун шароитлар яратилган.

Юқорида қайд этилган сана, 2018 йилнинг августида уларга (7 нафар ногиронга) Тўрақўрғон туманида ўтказилган тадбирда “Мустақиллигимизнинг 27 йиллиги муносабати билан вилоятдаги оғир иқтисодий аҳволга тушиб қолган хотин-қизларга, ногиронлиги бўлган, кам таъминланган, фарзандларини тўлиқсиз оилада тарбиялаётган ва уй-жой шароитини яхшилашга муҳтож оналарга уй-жой топшириш тўғрисидаги Сертификат” билан ўша ўзлари аввалдан қабул қилган уйларнинг рамзий калитлари топширилган.

Уларга янги қурилаётган намунавий уйлардан ажратилгани, бу уйларнинг сертификати топширилгани, кейин олиб қўйилгани тўғрисида “Озодлик” сайтида келтирилган баёнот тўлалигича уйдирмадир.

“Озодлик” материалида исми келтирилган ногиронлардан Фарида Мамаризаевага, 2018 йилда МФЙ биносидаги участка инспектори хизмат уйи таклиф этилган ва аввалдан бу ерда яшашга рози бўлиб, сертификат топшириш маросимидан сўнг яшаш фикридан қайтган. Кейинчалик унга таклиф этилган яна икки бинони рад этгач, яшаш учун мослаштирилган эски ҚВП биносидаги 5 хонадондан ўз танлови билан бирини танлаб олган. Унга ажратилган яшаш ҳудудига канализация ҳамда сув таъминоти ўтказиб берилган. Унинг ёнида яшовчилар орасида пичоқ кўтарадиган эркак қўшнилар ҳамда сигарет чекувчилар йўқлиги, фақат аёллар яшаши маълумот учун келтириш жоиз деб топилди.

“Озодлик” сайтида номи келтирилган Шаҳноза Расулова ва Нигора Самиева, улар номидан “катта тадбирда гўё биз ногиронларга янги уй топширишдию, аслида эса эски уйга олиб келиб, тиқиб қўйишди” деган гапнинг ғирт бўҳтон эканини таъкидлашди. Яратилган шароитлардан, туман ҳокимлиги, хотин-қизлар қўмитаси ҳамда МФЙ томонидан берилаётган эътибор юзасидан ўз миннатдорчиликларини такрорлашди. “Озодлик”нинг нима эканини ҳам билмаслигини, қўнғироқ бўлгач, “яна қайсидир идора менинг муаммоларимни ечиш учун жон куйдирмоқда” деб ўйлаган Шаҳноза Расулова, кунлик мавжуд муаммоларини айтганини, бироқ материалда келтирилган гапларнинг ярми унга оид бўлмаганини, уйдирма эканини айтди. Маҳаллий ҳокимият томонидан совға этилган тикув машинаси билан қўшни маҳаллада бепул асосда берилган бинода хусусий чеварчилик билан машғул Расулова, энди уйи яқинидан унга бепул ишхона учун жой таклиф этилганини, яқин даврда тикувчилик хонасини кўчириб ўтишини маълум қилди. Ўз қўлида яшаётган жойи учун кадастр ҳужжатлари мавжуд бўлган, бироқ бунинг қабул қилиниши учун асос бўлган туман ҳокимининг қарори нусхаси қўлида бўлмагани учун, бунинг етарли мулк ҳуқуқи бермаслигини ўйлаб, бу ҳақда “Озодлик”нинг телефонда боғланган ходимига гапирганини айтди.


“Бўйга етган ўғли билан ҳожатхонаси йўқ уйда яшаётгани” иддао этилган Нигора Самиева, у билан ҳеч ким “Озодлик” номидан мулоқот қилмаганини, ўз яшаш шароитларидан жуда мамнун эканини, уларга ўраб берилган ҳовлининг шундоқ 3-4 метр ташида туалет борлиги учун, унга уй берилган пайтда қазилган туалетни кўмиб, деворлари учун мўлжалланган ғиштни уйиб қўйганини, бироқ энди ҳовлининг бошқа бурчагидан туалет кавлашни режа қилаётганини, 20 дан ошган ўғлининг ёзда устачилик қилаётгани ва буюртмалари кўп эканини, шунга вақти етмаётганини билдирди.

Мингбулоқ тумани ҳокимлиги дунёда сўз ҳамда фикр эркинлигини таъминлаш борасида олиб борилаётган кенг кўламли ишларни қўллаб-қувватлайди. Бу борада ҳар қандай холис ва конструктив танқид, мавжуд муаммоларни ҳал этишга кўмаклашиши шубҳасиз. Бироқ, матбуот нашри сифатида ахборот майдонида иш олиб борувчи ҳар бир медиа, ўз фаолиятида бўҳтон ва уйдирма орқали ўз ғаразли мақсадларини амалга оширишга интилишини қоралаймиз. “Озодлик”ни ҳам ўз материалларини аниқ факт ва холис ёндашув билан тайёрлашга чорлаймиз.