• Mingbulok.uz

    asosiy portali

    Demo

    Hukumat

    Kirish

    Demo

    Davlat ramzlari

    Gerbimiz

  • Aholi

    Qishloqlar

    • Jamashuv
    • Tegirmon
    • Qog'yli ko'l
  • Biz bilan bog'lanish

    Hizmatlar

    Demo

Jomashuy

60 yillik toy

batafsil

Istirohat bog'i

Demo

Do'stilk madaniyat va istirohat bog'i

batafsil

Madaniyat saroyi

Demo

Madaniyat saroyi haqida qisqacha ma'lumot.

batafsil

СОЛИҚ ТИЗИМИДА ЎЗГАРИШЛАР

Солиқ ва бюджет сиёсатининг асосий йўналишлари бў­йича қабул қилинган қонун ҳужжатларига мувофиқ, иш ҳақи фондига солиқ юкининг камайтирилганлиги боис, 2019 йил 1 апрелига қадар ходимлар сони ва меҳнатга ҳақ тўлаш фондини ихтиёрий равишда ҳисоботларда расмийлаштирган тақдирда аввалги даврлар учун қўшимча солиқлар ҳисоблашдан озод қилинган.

Азиз фуқаролар! Пенсия ёшига етгач, кўпроқ нафақа олишни хоҳлайсизми? Бугун иш жойингиздан меҳнат ҳаққингизни амалдаги тартиб асосида оляпсизми? Нега, дейсизми? Бу Сиз учун жуда муҳим! Агар "конверт" усулида ойлик олаётган бўлсангиз, бунга асло рози бўлманг! Унутманг! Эртанги нафақангиз - бугун тўлаётган солиқларингизга боғлиқ!

Ўзбекистон Республикаси Президентининг 2018 йил 26 декабрдаги ПҚ-4086-сонли қарорига асосан 2019 йил 1 январдан бошлаб якка тартибдаги тадбиркорларни солиққа тортиш режимига киритилган ўзгаришларга мувофиқ, календарь йилида товарларни (ишларни, хизматларни) реализация қилишдан олинган тушуми 100 миллион сўмдан ошмаган якка тартибдаги тадбиркорлар учун қатъий белгиланган солиқни ҳисоблаш ва тўлаш тартиби сақлаб қолинди.

 

Туман ДСИ.

АҲОЛИ РЎЙХАТГА ОЛИНАДИ

Президентимиз Фармони билан 2022 йилда Ўзбекистонда аҳолини рўйхатга олиш концепцияси тасдиқланди.

Мустақиллик йилларида мамлакатимизда аҳоли рўйхатга олинмаган. Охирги бор 1989 йили, деярли ўттиз йил олдин ўтказилган эди.

Ўзбекистон Республикаси аҳолисининг ишончли ахборот ва унинг фаровонлиги, узоқ муддатли башоратлар ва ижтимоий-иқтисодий ривожланиш бў­йича давлат дастурлари, янги иш ўринлари яратиш ва аҳолини иш билан таъминлаш дастурларини ишлаб чиқиш, миллий барқарор ривожланиш мақсадлари кўрсаткичларини шакллантириш, меҳнат ресурсларини жойлаштириш ва улардан фойдаланиш жараёнларини ўрганиш учун энг муҳим асосдир.

Мингбулоқ тумани ҳокимлиги: Мақсадимиз – халқ розилиги, “Озодлик”нинг мақсади-чи?

Мингбулоқ тумани ҳокимлиги: мақсадимиз – халқ розилиги, “Озодлик”нинг мақсади-чи?

11 июль куни “Озодлик” сайтида эълон қилинган “Андижондагига ўхшаган "уй операцияси" бир йил аввал Наманганда ҳам ўтказилгани маълум бўлди” номли материал юзасидан Мингбулоқ тумани ҳокимлиги қуйидагиларни баён қилади:

Халқ розилиги ва аҳоли турмуш фаровонлиги устуворлигида Ўзбекистонда олиб борилаётган ижтимоий сиёсатни ёлғонга чиқаришга, маҳаллий ҳокимиятларнинг жойларда аҳолининг муаммоларини ҳал этиш борасида олиб бораётган ҳаракатларини салбий талқинда ёритишга уринилган бу мақолада Наманган вилоят, Мингбулоқ туманида 2018 йилнинг августида 7 ногиронга тантанали топширилган янги уй калитлари тадбирдан сўнг олиб қўйилгани, ногиронлар эса ҳокимият балансидаги шароитсиз эски уйларга жойлаштирилгани таъкидланган.

Мингбулоқ туманида яшовчи ногиронлар Фарида Мамаризаева, Шаҳноза Расулова ва Нигора Самиева номидан қайта қайта “ногиронларга янги уй бериб, сертификат ва калитлари топширилгани, бироқ калитларни ўша куниёқ тортиб олиб қўйишгани” келтирилган.

Аслида, 2018 йилда Мингбулоқ туманида яшовчи, уй-жой эҳтиёжи бўлган ногиронлардан 7 нафарига туман ҳудудидан яшаш учун мослаштирилган бинолардан бепул уй-жой таклиф этилган, уларнинг розилиги берилган объектлар бўйича таъмирлаш ишлари олиб бориб, яшаш учун шароитлар яратилган.

Юқорида қайд этилган сана, 2018 йилнинг августида уларга (7 нафар ногиронга) Тўрақўрғон туманида ўтказилган тадбирда “Мустақиллигимизнинг 27 йиллиги муносабати билан вилоятдаги оғир иқтисодий аҳволга тушиб қолган хотин-қизларга, ногиронлиги бўлган, кам таъминланган, фарзандларини тўлиқсиз оилада тарбиялаётган ва уй-жой шароитини яхшилашга муҳтож оналарга уй-жой топшириш тўғрисидаги Сертификат” билан ўша ўзлари аввалдан қабул қилган уйларнинг рамзий калитлари топширилган.

Уларга янги қурилаётган намунавий уйлардан ажратилгани, бу уйларнинг сертификати топширилгани, кейин олиб қўйилгани тўғрисида “Озодлик” сайтида келтирилган баёнот тўлалигича уйдирмадир.

“Озодлик” материалида исми келтирилган ногиронлардан Фарида Мамаризаевага, 2018 йилда МФЙ биносидаги участка инспектори хизмат уйи таклиф этилган ва аввалдан бу ерда яшашга рози бўлиб, сертификат топшириш маросимидан сўнг яшаш фикридан қайтган. Кейинчалик унга таклиф этилган яна икки бинони рад этгач, яшаш учун мослаштирилган эски ҚВП биносидаги 5 хонадондан ўз танлови билан бирини танлаб олган. Унга ажратилган яшаш ҳудудига канализация ҳамда сув таъминоти ўтказиб берилган. Унинг ёнида яшовчилар орасида пичоқ кўтарадиган эркак қўшнилар ҳамда сигарет чекувчилар йўқлиги, фақат аёллар яшаши маълумот учун келтириш жоиз деб топилди.

“Озодлик” сайтида номи келтирилган Шаҳноза Расулова ва Нигора Самиева, улар номидан “катта тадбирда гўё биз ногиронларга янги уй топширишдию, аслида эса эски уйга олиб келиб, тиқиб қўйишди” деган гапнинг ғирт бўҳтон эканини таъкидлашди. Яратилган шароитлардан, туман ҳокимлиги, хотин-қизлар қўмитаси ҳамда МФЙ томонидан берилаётган эътибор юзасидан ўз миннатдорчиликларини такрорлашди. “Озодлик”нинг нима эканини ҳам билмаслигини, қўнғироқ бўлгач, “яна қайсидир идора менинг муаммоларимни ечиш учун жон куйдирмоқда” деб ўйлаган Шаҳноза Расулова, кунлик мавжуд муаммоларини айтганини, бироқ материалда келтирилган гапларнинг ярми унга оид бўлмаганини, уйдирма эканини айтди. Маҳаллий ҳокимият томонидан совға этилган тикув машинаси билан қўшни маҳаллада бепул асосда берилган бинода хусусий чеварчилик билан машғул Расулова, энди уйи яқинидан унга бепул ишхона учун жой таклиф этилганини, яқин даврда тикувчилик хонасини кўчириб ўтишини маълум қилди. Ўз қўлида яшаётган жойи учун кадастр ҳужжатлари мавжуд бўлган, бироқ бунинг қабул қилиниши учун асос бўлган туман ҳокимининг қарори нусхаси қўлида бўлмагани учун, бунинг етарли мулк ҳуқуқи бермаслигини ўйлаб, бу ҳақда “Озодлик”нинг телефонда боғланган ходимига гапирганини айтди.


“Бўйга етган ўғли билан ҳожатхонаси йўқ уйда яшаётгани” иддао этилган Нигора Самиева, у билан ҳеч ким “Озодлик” номидан мулоқот қилмаганини, ўз яшаш шароитларидан жуда мамнун эканини, уларга ўраб берилган ҳовлининг шундоқ 3-4 метр ташида туалет борлиги учун, унга уй берилган пайтда қазилган туалетни кўмиб, деворлари учун мўлжалланган ғиштни уйиб қўйганини, бироқ энди ҳовлининг бошқа бурчагидан туалет кавлашни режа қилаётганини, 20 дан ошган ўғлининг ёзда устачилик қилаётгани ва буюртмалари кўп эканини, шунга вақти етмаётганини билдирди.

Мингбулоқ тумани ҳокимлиги дунёда сўз ҳамда фикр эркинлигини таъминлаш борасида олиб борилаётган кенг кўламли ишларни қўллаб-қувватлайди. Бу борада ҳар қандай холис ва конструктив танқид, мавжуд муаммоларни ҳал этишга кўмаклашиши шубҳасиз. Бироқ, матбуот нашри сифатида ахборот майдонида иш олиб борувчи ҳар бир медиа, ўз фаолиятида бўҳтон ва уйдирма орқали ўз ғаразли мақсадларини амалга оширишга интилишини қоралаймиз. “Озодлик”ни ҳам ўз материалларини аниқ факт ва холис ёндашув билан тайёрлашга чорлаймиз.

«ТОКИО САРИ ЙЎЛ» ЖОМАШЎЙ ШАҲАРЧАСИДА ХАЛҚАРО ОЛИМПИЯ КУНИГА БАҒИШЛАБ АНА ШУНДАЙ ШИОР ОСТИДА УМУММИЛЛИЙ СПОРТ МУСОБАҚАЛАРИ ЎТКАЗИЛДИ

5 июль куни эрталабданоқ Жомашўй шаҳарчаси марказий кўчалари спорт либосидаги одамлар билан гавжумлашди. Улар орасида мактабгача тарбия муассасалари тарбиячиларидан тортиб то қарилик гаштини сураётган кишилар бор эди. Аксарияти велосипедларда келишган. Мақсад - Халқаро олимпия куни муносабати билан ўтказиладиган халқ сайлида қатнашиш.

Спорт жонкуярлари саф тортиб бўлишгач, туман ҳокими Н. Худойбердиев тадбирни очиқ деб эълон қилар экан, иштирокчиларни қутлуғ сана муносабати билан қизғин муборакбод этди. Турли йўналишларда ташкилланаётган мусобақаларда омадлар тилади.

Умуммиллий спорт мусобақаларини Мудофаага кўмаклашувчи «Ватанпарвар» кўнгилли жамияти картингчилари бошлаб бердилар. Катта ёшдаги эркак ва аёллар ўртасида иккита гуруҳда 3 минг метр­га кросс бўйича югуриш, ўсмир ва қизлар ўртасида 100, 200 метрга югуриш, иккита гуруҳда велопойга мусобақаларида 2000 нафардан зиёд ҳаваскор спортчилар беллашдилар.

Шунингдек, минифутбол, волейбол, стол тенниси, каратэ ВКФ, юнун рум кураши, мактабгача таълим муассасалари тарбияланувчилари ўртасида 50 метрга югуриш мусобақалари ҳам кўтаринки руҳда ўтказилди. Беллашувлар Ўзбекистон Республикаси Спорт федерацияси қонун-қоидаларига асосан олимпия тизимида ташкилланди.

Ниҳоят ғолиблар номи бирин-кетин маълум бўла бошлади. Уларни тақдирлаш маросими катта шодиёнага айланиб кетди. Биринчи ўринлар велопойга бўйича эркаклар ўртасида 42-мактабдан Аҳрор Матусмоновга, аёллар ўртасида 21-МТМдан Адолат Йўлдошалиевага, югуриш бўйича эркаклар ўртасида 34-мактабдан Жавлон Умаровга, аёллар ўртасида 27-МТМдан Муҳайё Иброҳимовага, мактабгача тарбия муассасалари тарбияланувчиларидан Нурбек Қирғизалиев (29-МТМ), Суғдиёна Султоналиева (62-МТМ)га насиб этди.

Спортнинг бошқа йўналишлари ҳамда турли номинациялар бўйича юксак маҳоратларини намойиш этган ҳаваскор спортчилар ҳам аниқланди.

Туман ҳокимининг ўринбосари Фахриддин Йўлдошев ғолибларни муборакбод этиб, туман ҳокимлигининг фахрий ёрлиқлари ҳамда таълим, фан, маданият муассасалари касаба уюшмаси туман қўмитаси томонидан тайёрланган қимматбаҳо эсдалик совғаларини тантанали равишда эгаларига топширди. Тадбирни ташкиллашда алоҳида ибрат кўрсатган туман халқ таълими бўлими, туман мактабгача таълим бўлими, туман тиббиёт бирлашмаси, таълим, фан, маданият муассасалари касаба уюшмаси туман қўмитаси ҳамда тиббиёт ходимлари касаба уюшма қўмитаси, Ёшлар иттифоқи туман кенгаши жамоаларига миннатдорчилик билдирилди.

Дарвоқе, 26 йилдан буён мамлакатимизда Халқаро олимпия куни кенг нишонланиб келади. Бироқ, бу сафар МОҚ ушбу санани шунчаки оддий спорт тадбири сифатида ўтказиб юборишни истамади. Ташкилотнинг янги раҳбарияти ташаббуси ҳамда Ҳукуматимизнинг бевосита қўллаб-қувватлаши туфайли мамлакатимизда расмий санага бағишлаб халқ сайли умуммиллий спорт мусобақаларини ўтказишга қарор қилинган эди. Эътиборлиси шуки, "Токио сари йўл" шиори остида ўтказилган спорт тадбири чинакам байрам тусини олди.

Халқ сайлида туман ҳуқуқни муҳофаза қилиш идоралари, нодавлат-нотижорат ташкилотлари ҳамда жамоатчилик вакиллари қатнашдилар.

Раҳматулла ҲОЛИҚОВ,

туман жисмоний тарбия ва спорт бўлими бошлиғи.