• Mingbulok.uz

    asosiy portali

    Demo

    Hukumat

    Kirish

    Demo

    Davlat ramzlari

    Gerbimiz

  • Aholi

    Qishloqlar

    • Jamashuv
    • Tegirmon
    • Qog'yli ko'l
  • Biz bilan bog'lanish

    Hizmatlar

    Demo

Jomashuy

60 yillik toy

batafsil

Istirohat bog'i

Demo

Do'stilk madaniyat va istirohat bog'i

batafsil

Madaniyat saroyi

Demo

Madaniyat saroyi haqida qisqacha ma'lumot.

batafsil

ҲОМИЙЛАРДАН БЕҒАРАЗ ҲИММАТ КИТОБСЕВАР ЎҚУВЧИЛАР РУҲИЯТИНИ ЯНАЯМ ОШИРМОҚДА

Ҳар қандай муносиб рағбат ёши, касби ва умуман кимлигидан қатъий назар одамга маънавий руҳ, ғайрат-шижоат бағишлайди. Республика кўрик-танлови ғолиблигига эришган китобхон ўқувчиларни Президентимиз томонидан «Spark» автомобиллари билан мукофотланиш бошланганидан буён кутубхоналару китоб дўконлари ҳар қачонгидан гавжумлашганига гувоҳ бўлаётгандирсиз? Китобхонлар сафи муттасил кенгаяётганлиги, уларнинг аксарияти ёшлар эканлигидан фахр-ифтихор туясан одам. Ўқувчи ва талабалар ўртасида китоб мутолааси ва китобхонлик маданиятини ривожлантиришга қаратилган маънавий-маърифий, оммавий тадбирлар ўтказишга эътибор ортганлиги, кутубхоналару болаларга китоб туҳфа қилаётган ота-оналар ва ҳомийларнинг беғараз ҳимматлари ҳам таҳсинга лойиқдир.

НАВБАТДАН ТАШҚАРИ СЕССИЯ

20 март куни халқ депутатлари туман Кенгашининг навбатдан ташқари сессияси ўтказилди. Унда ташкилий масала кўрилди.

Депутатлар туман ҳокими вазифасида ишлаган Т. Рапиковни вилоят ҳокимининг қарорига асосан бошқа ишга ўтганлиги муносабати билан вазифасидан озод этиш ҳақидаги қарорини тасдиқладилар.

ЧЕГАРАНИНГ ЎЗ ТАЛАБИ БОР

Фуқароларимизнинг хорижга чиқиб келишлари учун мамлакатимизда барча шароитлар яратилган. Бу борада қатор қонунлар қабул қилинганки, у республикамиз фуқароларининг ҳуқуқий манфаатларини ҳимоя қилади. Қонунларга риоя қилган шахс ўз нав­батида, албатта, адашмайди, ютқазмайди, фақат фойда кўради, холос. 1999 йилда "Ўзбекистон Республикасининг Давлат чегараси тўғрисида"ги Қонуни қабул қилинди. Унда чегараларимиз дахлсизлиги, қонунга хилоф равишда чегарани бузиб ўтиш жиноят эканлиги белгилаб қўйилган.

ЖИДДИЙ ЖИНОЯТ

Одам савдоси дунё халқларини ташвишга солаётган жиддий муаммолардан биридир. Зеро, у ҳудуд ва чегара танламайди. Шу боис ушбу жиноятга қарши самарали кураш олиб боришда давлатлараро ҳамкорлик муҳим аҳамиятга эга. Бу борада мамлакатимизда норматив-ҳуқуқий база шакллантирилган. Қолаверса, Ўзбекистон инсон ҳуқуқлари бўйича 60 дан ортиқ халқаро ҳужжатга қўшилган. БМТ томонидан мазкур соҳада қабул қилинган 6 та асосий халқаро шартнома иштирокчисига айланган. Шунингдек, хорижий давлатлар билан уюшган жиноятчилик, шу жумладан, одам савдосига қарши курашишга қаратилган 29 та шартнома ва келишув имзоланган.

Одам савдосига қарши курашиш бўйича Республика идоралараро комиссияси томонидан мазкур иллатга қарши курашиш, унинг сабаблари ва шарт-шароитларини бартараф этиш, оқибатларини камайтириш чора-тадбирлари амалга оширилмоқда. Жамоатчилик ўртасида ҳуқуқни муҳофаза қилувчи идоралар билан ҳамкорликда ўтказилаётган йиғилиш ва учрашувларда одам савдосига йўл очувчи сабаблар ва унинг олдини олиш омилларини тушунтиришга алоҳида эътибор қаратилмоқда.

Таъкидлаш жоизки, одам савдосига қарши курашиш деганда нафақат ушбу жиноятчиликка қарши курашиш, балки, энг аввало, унга замин яратаётган сабаб ва омилларни бартараф этиш тушунилади. Одам савдоси жинояти ҳамда унинг оқибатлари ҳақида гапирар эканмиз, бунда аввало асосий мақсад аҳолига мазкур қилмишнинг асл моҳиятини янада чуқурроқ тушунтириш, огоҳликка чорлаш ва фуқароларимизни ушбу жиноятнинг қурбони бўлиб қолишларидан асраш чораларини кўришдан иборат.

Уюшган жиноятчиликнинг мазкур тури ва унга боғлиқ жиноятларга қарши курашишда, миллий ёки халқаро даражада бўлишидан қатъи назар, ҳар қандай ҳамкорлик ҳал қилувчи омил ҳисобланади. Одам савдосига қарши курашиш стратегияси ва тергов техникасининг ҳар хил турлари, қонунларни қўллаш амалиёти таҳлили, одам савдоси жабрдийдаларининг ҳуқуқларини ҳимоя қилиш ва, умуман, одам савдосига қарши курашишда давлат идоралари ва фуқаролик жамияти ­институтлари ҳамкорлиги муҳим аҳамиятга эга.

Дунё миқёсида глобаллашув жараёнлари чуқурлашиб бораётган бир пайтда халқимизни ҳар қандай хавф-хатардан огоҳ этиш, жиноий тажовузларнинг олдини олиш, йил сайин турли кўринишда пайдо бўлаётган трансмиллий жиноий тузилмалар фаолиятининг юртимизга кириб келишига йўл қўймаслик чора-тадбирларини амалга оширишимиз зарур.

Одам савдоси жиноятларига қарши курашишда аҳолининг бу тоифадаги жиноятлар ҳақида батафсил маълумотга эга бўлиши муҳим омиллардан биридир. Чунки огоҳ фуқаро ҳеч қачон одам савдоси қурбонига айланиб қолмайди.

Бу иллатга қарши курашиш фақат суд-ҳуқуқ органлари ходимларининг вазифаси деб қараш нотўғри. Бу борада барча бирдек ҳаракат қилиб, суд-ҳуқуқ органларига яқиндан ёрдам беришса, мақсадга мувофиқ бўлар эди.

Муҳаммадихон ЖЎРАЕВ,

туман прокурори.