• Mingbulok.uz

    asosiy portali

    Demo

    Hukumat

    Kirish

    Demo

    Davlat ramzlari

    Gerbimiz

  • Aholi

    Qishloqlar

    • Jamashuv
    • Tegirmon
    • Qog'yli ko'l
  • Biz bilan bog'lanish

    Hizmatlar

    Demo

Jomashuy

60 yillik toy

batafsil

Istirohat bog'i

Demo

Do'stilk madaniyat va istirohat bog'i

batafsil

Madaniyat saroyi

Demo

Madaniyat saroyi haqida qisqacha ma'lumot.

batafsil

ЖОМАШЎЙДА ДХМ БИНОСИ ҚУРИЛИШИ КОНВЕЙЕР УСУЛИДА ЖАДАЛ СУРЪАТЛАР БИЛАН ТАШКИЛЛАНЯПТИ

Жомашўй шаҳарчасида туман Давлат хизматлари маркази учун қурилаётган 3 қаватли замонавий бино фойдаланишга топширилса, суратдагидек  қиёфа касб этади.

Дарҳақиқат, Президентимизнинг 2018 йил 8 майдаги Қарорига мувофиқ туман Давлат хизматлари маркази биноси қурилиши давлат-хусусий шериклик шартлари асосида "ULTRA GROUP" МЧЖ лойиҳасига мувофиқ юқори суръатлар билан олиб борилмоқда.  Зафаржон Юлдашев раҳбарлигидаги "Nur mukammal xizmat" МЧЖ қурувчи-бинокорлари ишни конвейер усулида ташкил этишяпти. Қурилиш материаллари пешма-пеш етказиб берилаётгани, инсон омилига алоҳида эътибор қаратилаётганлиги туфайли иш цикллари орасида узилишларга, вақтнинг беҳуда ўтишига йўқ қўйилмаяпти.

Қурилиш-монтаж ишлари бундан 3 ой муқаддам бошланган эди. Барча ишлар белгиланган жадвалга мувофиқ бажарилиши таъминланмоқда. Объект қурилиши май ойида якунланиши керак. Бунинг учун 5 миллиард 500 миллион сўм маблағ ўзлаштирилади.

Бугунги кунда туман ДХМда аҳолига 60 хилдан ортиқ давлат хизматлари кўрсатилмоқда. Бино фойдаланишга топширилиши билан мурожаат этувчилар сони ҳам кескин ортиши турган гап.

- Бу ерда юридик ва жисмоний шахсларга, барча фуқароларга янаям қулай имконият ва шарт-шароитлар яратилиши эвазига хизматлар сони 110 тага етади, - дейди туман ДХМ директори Камолиддин Турдалиев. - Айни пайтда турли сансалорликлару оворагарчиликларнинг олди олинади. Қолаверса, хизмат сифати, суръати ва шаффофлигини таъминлаймиз.

ВЕБ-САЙТ ШУНЧАКИ ЭРМАК ЭМАС

Кўпинча боши деворга урилган кишилар веб-сайтга «адашиб» кириб қолганликларини рўкач қилишади. Ахир ҳаммаям компьютер технологияси билан ишлашни, интернетга, қолаверса, турли сайтларга киришни билавермайди-ку. Буларнинг ҳадисини олганлар «янглишибман» дейишлари ажабланарли эмасми?

ИККИ БУЮК СИЙМО АЛИШЕР НАВОИЙ ҲАМДА ЗАҲИРИДДИН МУҲАММАД БОБУР ТАВАЛЛУД ТОПГАН КУНЛАР ТУМАНИМИЗДА КЕНГ НИШОНЛАНДИ

Миллатимиз шаъни бой маънавий меросимиз, ўтмишда ёрқин из қолдирган буюклар номи ва хотираси, аждодлардан қолган мерос беназир илмий-ижодий асарлар туфайли юксакликка шоёндир. Хусусан, улуғ мутафаккир Алишер Навоийнинг боқий асарлари, бебаҳо хазинага тенг шеърий дурдоналари бугунимиз ва келажагимизга дахлдор эканлиги билан қимматли. Том маънодаги буюк маданият, олий даражадаги шарқона одоб ва ахлоқ тимсоллари ҳақида гап очилса, Заҳириддин Муҳаммад Бобур номини ҳам катта эҳтиром билан тилга оламиз.

ФОЙДА ЎРНИГА ЗАРАР КЎРДИ

Мамлакатимизда валюта олди-сотдиси ва унинг айланишини тартибга солиш миқёсида кенг кўламли тадбирлар амалга оширилмоқда. Бу борадаги давлат сиёсатини била туриб,  онгли равишда "қора бозор"ни "гуллатаётган" фуқаролар эса ҳамон учраб турибди. Эргашев Қосимжон Қодирович ана шундай кимсалардан эканлигига суд жараёнида яққол амин бўлдик.

Фуқаролар аризасига асосан ўтказилган рейд куни ҳақиқатдан ҳам у ғараз мақсадларни кўзлаб, валюта қимматликларини банкдан ташқарида олиш ва ўтказиш қонунга хилоф эканлигини билган ҳолда назоратчи харидордаги 7.200 АҚШ долларининг ҳар бир долларини 7830 сўмдан ҳисоблаб, 56 миллион 808 минг сўмга сотиб олишга келишишган. Шундан 30 миллион сўмини бериб, қолган қисмини ке­йинроқ ҳисоб-китоб қилишга келишишган пайтда далилий ашё билан қўлга олинган. Шунингдек, унда яна 500 АҚШ доллари, 15 минг 300 Россия рубли, 110 минг Қозоғистон тен­геси, 700 Қирғизистон соми ва 10 миллион 731 минг сўм пул борлиги маълум бўлди.

47 ёшга тўлган, 5 нафар фарзанднинг отаси, эсли-ҳушли бу одам фойдали ижтимоий меҳнат билан шуғулланганида, суднинг қора курсисига ўтирмаган бўлармиди? Бойлик орттириш мақсадида валюта олди-сотдиси билан шуғулланишга жиддий киришиб кетганди. Охири вой бўлди. Ашёвий далил сифатида олиниб, банкда сақланаётган барча пулларини давлат фойдасига ўтказиш ҳақида ҳукм ўқилди.  Бу Ўзбекистон Республикаси ЖК 177-моддаси 2-қисмининг "б" бандида назарда тутилган жиноятни содир этганлиги учун чиқарилган адолатли ҳукм эди.

Боқижон ҲАКИМОВ,

Бош прокуратура ҳузуридаги иқтисодий жиноятларга

қарши курашиш  департаменти туман бўлими бошлиғи в.в.б.

ЖИНОЯТНИНГ ОЛДИНИ ОЛИШИМИЗ ЗАРУР БУНДА ЖАМОАТЧИЛИК ҲАМКОРЛИГИ МУҲИМ АҲАМИЯТГА ЭГА

"Судлар тўғрисида"ги Қонунда суд Ўзбекистон Республикасининг Конституцияси ва бошқа қонунларда, инсон ҳуқуқлари тўғрисидаги халқаро ҳужжатларда эълон қилинган фуқароларнинг ҳуқуқ ва эркинликларини, корхоналар, муассасалар ва ташкилотларнинг ҳуқуқлари ҳамда қонун билан қўриқланадиган манфаатларини суд йўли билан ҳимоя қилишга даъват этилган. Бунинг учун давлатимиз биз, судьяларга барча ҳуқуқий асослар ва шарт-шароитларни яратиб бермоқда.