• Mingbulok.uz

    asosiy portali

    Demo

    Hukumat

    Kirish

    Demo

    Davlat ramzlari

    Gerbimiz

  • Aholi

    Qishloqlar

    • Jamashuv
    • Tegirmon
    • Qog'yli ko'l
  • Biz bilan bog'lanish

    Hizmatlar

    Demo

Jomashuy

60 yillik toy

batafsil

Istirohat bog'i

Demo

Do'stilk madaniyat va istirohat bog'i

batafsil

Madaniyat saroyi

Demo

Madaniyat saroyi haqida qisqacha ma'lumot.

batafsil

«МИНГБУЛОҚ» БАЙРАМОНА ҚИЁФАДА

Республикамиз, жумладан, вилоятимиздаги қатор туман ҳокимликларининг газеталари адади озлиги, иқтисодий ҳолати оғирлиги туфайли номигагина чоп этилиб турилибди. Мингбулоқ туманида эса тамомила бунинг акси...

Жаннатмонанд юртимизда қандай байрам бўлмасин, пухта тайёргарлик билан кўтаринки руҳда нишонлаш – халқимизга хос ажойиб фазилат. Айниқса, бундай кунларга ижодкорларнинг тадориги ўзгача бўлади. Шу жиҳатдан Мингбулоқ тумани ҳокимлигининг «Мингбулоқ» газетаси ижодий жамоаси Наврўз умумхалқ байрами муносабати билан ўз муштарийларига тайёрлаган туҳфаси эътиборга моликдир. Уни Ўзбекистон Журналистлар ижодий уюшмаси раиси С. Ҳакимов иштирокида яқинда ўтказилган вилоят журналистларининг конференциясида эътироф этилгани янада қувончли.

«Мингбулоқ»нинг махсус сони А-2 ҳажмда 8 саҳифада 4000 нусхада тўлиқ рангли чоп этилдики, ҳозиргача бунақаси нафақат вилоятимиз, балки республикамиз туманлари газеталари фаолиятида кузатилмаган.
Газета туман ҳокими Н. Худойбердиевнинг «Азалий, абадий, ардоқли асл айём» сарлавҳали бош мақоласи билан очилган. Яна бир диққатга сазавор жиҳат шуки, ҳар бир саҳифа туркумларга ажратилган. Айтайлик, 2-саҳифа «Наврўз: кеча ва бугун», 3-саҳифа «Тафаккур гулшани», 4-саҳифа «Агросаноатда ислоҳотлар» деб номланган. Кейинги саҳифаларда ҳам байрам руҳи мужассам: «Жамият», «Бугуннинг гапи», «Экология ва саломатлик».

Таҳририят байрам мавзусига алоҳида эътибор қаратган ҳолда мамлакатимизда илк бор нишонланаётган «Маҳалла тизими ходимлари куни» (22 март)ни кенг ёритишни унутмаган. «Бутунжаҳон сув куни» (22 март), «Халқаро силга қарши кураш куни» (24 март) муносабати билан ҳам туркум материаллар чоп этилгани мақтовга лойиқ.

«Аждодлардан боқий анъана», «Шарқ ва Ғарбни боғловчи қитъалараро ипак йўли», «100 йиллик орзунинг 3 йилдаги рўёби», «Яратганнинг бебаҳо неъмати», «Дам олиш кунини унутмадингизми?», «Бизда барвақт бошланар байрам», «Шеъриятнинг ёрқин тахтида» сарлавҳали мақолалар долзарблиги ва ўқишлилиги билан таҳсинга лойиқ. Ранг-баранг суратлар мавзулар мазмунини бойитишга хизмат қилган. Ўқувчиларга байрам кайфиятини улашувчи «Назм ва наср» деб номланган 8-саҳифада маҳаллий ижодкорларнинг шеър ва ҳикоялари ўрин олган.

Таҳририят келгуси байрамлар муносабати билан ҳам газетанинг шундай махсус сонларини ўқувчиларига туҳфа қилишни режалаштиргани қувонарлидир.

Шоҳруҳ Кенжаев,
Мингбулоқ тумани ҳокимлиги ахборот хизмати раҳбари

Ижтимоий тармоқларда тарқалган "Ёшлар ўзлари яшайдиган қишлоқ йўлидаги муаммони кўтариб чиқишибди" номли видеолавҳага расмий муносабат

2020 йил 7 март куни ижтимоий тармоқларда Рахмонова Шоҳсанамнинг Мингбулоқ тумани Момохон-Жомашуй йўналишидаги йўл билан боғлиқ муаммо бўйича (https://t.me/dunyoi_kabir/2017) видеолавҳаси тарқалди.

Ушбу ҳолат туман ҳокими Н.Худойбердиевнинг шахсан назоратига олиниб, батафсил ўрганилди. Ўрганишлар давомида қуйидагилар маълум бўлди.

"Момохон-Жомашуй" йўналишидаги йўлнинг остидан "Янги Момохон" канали ўтган. Ушбу канални капитал таъмирлаш 2020 йилнинг бюджет дастурига киритилган бўлиб, ушбу йилда янги труба ўрнатилиши белгиланган. Капитал таъмирлашдан сўнг йўл четида ҳосил бўлган жарлиқ билан боғлиқ муаммолар ҳам бартараф этилади.

Туман ёшларига шуни маълум қиламизки, сизда қандайдир муаммо ва таклифлар бўлса, туман ҳокимининг ёшлар билан ташкил этган телеграм ижтимоий тармоғидаги "Ҳоким ва ёшлар" (https://t.me/Mingyoshhok) гуруҳига таклиф қиламиз.

Шу ўринда Мингбулоқ туман ҳокимлиги Раҳмонова Шоҳсанамга мазкур вазиятга эътиборли бўлганлиги учун миннатдорчилигини билдиради ва ижтимоий тармоқларда фаол бўлган блогер ва журналистлар билан ҳамкорлик қилишдан манфаатдор эканлигини маълум қилади.

Sevimli telekanalida efirga ketgan "Maktabda qachon sport zali quriladi?" lavhasiga Mingbuloq tuman hokimligining munosabati

Mingbuloq tumani xalq ta’limi bo‘limiga qarashli 20-umumta’lim maktabi tomonidan ilm maskanining bugungi holati yuzasidan “Sevimli” telekanaliga murojaat qilingan edi.

Mazkur murojaat tuman hokimligi ishchi guruhi tomonidan o‘rganib chiqildi.

O‘rganish jarayonida aniqlanishicha, 20-umumta’lim maktabi 1964 yilda qurilgan bo‘lib, 260 o‘ringa mo‘ljallangan. Hozirgi kunda maktabda 276 nafar o‘quvchi ta’lim-tarbiya olmoqda, navbatlilik esa 1,06 ga teng. Maktab binosi 2015 yil Investisiya dasturi asosida 436,5 mln. so‘m mablag‘ evaziga mukammal ta’mirlangan. Maktabda sport zal va oshxona mavjud emas.

O‘zbekiston Respublikasi Prezidentining 2019 yil 17 yanvardagi
PF-5635-son Farmoniga asosan Respublikada bolalar va o‘smirlar sport maktablarini tashkil etish, umumta’lim maktablari sport inshootlarini qurish, rekonstruksiya qilish va doimiy jihozlashning besh yillik davlat dasturini ishlab chiqish belgilangan.
O‘zbekiston Respublikasi Bosh vaziri tomonidan tasdiqlangan 2019 yil 29 yanvardagi 14/1-220-sonli topshiriq ijrosini ta’minlash maqsadida umumta’lim maktablari sport inshootlarini qurish, rekonstruksiya qilish va jihozlash bo‘yicha 2020 - 2024 yillarga mo‘ljallangan manzilli ro‘yxat shakllantirilib, ko‘rib chiqish uchun Xalq ta’limi vazirligiga taqdim etilgan.

Taqdim etilgan manzilli ro‘yxatga asosan Mingbuloq tumanidagi mazkur 20-umumta’lim maktabiga 12x24 o‘lchamdagi sport zal qurish taklifi 2023 yilga berilgan.

Oshxona tashkil etish bo‘yicha O‘zbekiston Respublikasi Vazirlar Mahkamasining 2016 yil 2 maydagi “Umumiy o‘rta va o‘rta maxsus, kasb-hunar ta’limi muassasalarida sog‘lom ovqatlanishni tashkil etishni yanada takomillashtirish chora-tadbirlari to‘g‘risida”gi 132-son qarori bilan tasdiqlangan Nizomga asosan tadbirkor yoki yuridik shaxs tomonidan oshxona yoki bufet faoliyati yo‘lga qo‘yilgan taqdirda xalq ta’limi bo‘limi tomonidan zarur mebel va jihozlar bilan ta’minlash mumkinligi bildirildi.

Maktab atrofi qisman o‘ralgan bo‘lib, tuman xalq ta’limi bo‘limi tomonidan qorovulxona qurish va maktab atrofini o‘rash uchun 2020 yil mahalliy byudjet mablag‘lari hisobidan kerakli mablag‘ ajratish bo‘yicha tuman hokimligiga takliflar kiritilgan.

Maktablarning moddiy-texnik holati va ta’lim-tarbiya jarayonlari tuman hokimligining doimiy e’tiborida bo‘ladi.