• Mingbulok.uz

    asosiy portali

    Demo

    Hukumat

    Kirish

    Demo

    Davlat ramzlari

    Gerbimiz

  • Aholi

    Qishloqlar

    • Jamashuv
    • Tegirmon
    • Qog'yli ko'l
  • Biz bilan bog'lanish

    Hizmatlar

    Demo

Jomashuy

60 yillik toy

batafsil

Istirohat bog'i

Demo

Do'stilk madaniyat va istirohat bog'i

batafsil

Madaniyat saroyi

Demo

Madaniyat saroyi haqida qisqacha ma'lumot.

batafsil

ЙИГИТ БОРКИ, ХАВФУ ХАТАР ЙЎҚ

Мактабимизда "Ватан ҳимоячилари куни" муносабати билан ўтказилган "Ватанпарварлик ойлиги" доирасида муайян ишлар қилинди.

Фаолият юритиб келаётган собиқ байналминалчи ўқитувчиларимиз И. Қодиров, Ю. Исоқов, Н. Аҳмаджоновлар ўтказилган очиқ соатларда қатнашдилар. Улар хизмат давридаги бўлиб ўтган кечинмаларини ўқувчилар билан ўртоқлашишди.

Мактабимиз собиқ ўқувчиларидан Фарғонадаги "Темурбеклар" мактаби битирувчилари Ҳусанбой Жамолдинов ва Нурулло Йўлдошалиевлар билан ўқувчиларимиз учрашуви ташкил этилди. Улар ўғил-қизларимизни қизиқтирган саволларига жавоб беришди.

Яна бир тадбирда мактабимизни тамомлаб, ҳозирда ҳарбий қисмларда хизмат қилаётган капитан Равшанбек Маҳкамов, майор Баҳромжон Зайниддинов, сержант Давронбек Аҳматалиев, сержант Абдураҳмон Раҳмоновларни Ватанимиз сарҳадларини қўриқлашдаги матонатли хизматлари ҳақида ўқувчиларга маълумотлар беришди. Ўқувчиларни акаларидек жасур, мард, ватанпарвар бўлишга ундашди. Ватанпарвар ўғлонларимиздан таълим берган устозлари мамнунликларини айтишди.

Ватанпарварлик она юртини севиш, улуғлаш, уни ҳимоя қилиш ҳисси билан яшаш шу йўлдаги фидокорликдир. Фидойилик ўзининг бор куч-ғайрати,  одил ҳаракатини эзгу ва буюк мақсадлар йўлида тўла сафарбар этиш демакдир.

Барча синфларда жасорат дарслари, синф ўқувчилари ўртасида деворий газеталар танлови, 11-синфлар ўртасида "Ким юртига содиқ бўлса, мендирман ўша" мавзусида беллашув бўлиб ўтди.

Ойликдан кўзланган мақсадга эришдик.

Муножат ОТАМИРЗАЕВА,

Маҳбуба МАЗИЯЕВА,

Зулфия ҲАКИМОВА,

10-мактаб ўқитувчилари.

ҲАР БИР МУРОЖААТ – ЭЪТИБОРДА

Туман молия бўлимида кенгайтирилган таркибдаги йиғилиш ўтказдик. Унда Ўзбекистон Республикаси Вазирлар Маҳкамасининг "Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисида"ги 341-сонли қарори ижросини таъминлаш тўғрисидаги Низом талабларига риоя этилиши ҳамда туман молия бўлимида мурожаатлар билан ишлашни янада кучайтириш тартиби тўғрисида"ги масала кўриб чиқилди. Мазкур масала бўйича вилоят молия бош бош¬қармаси Жисмоний ва юридик шахсларнинг мурожаатлари билан ишлашни мувофиқлаштириш ва назорати бўйича инспектори А.Холмирзаев ахборот берди. Нотиқнинг қайд этишича, мурожаатлар ижроси таъминлангандан сўнг давлат органини ёки ташкилотининг расмий веб-сайти орқали ёҳуд давлат органининг, ташкилотларнинг расмий почта манзилига келиб тушган мурожаатлар тарзида қайд этилиши ва Низомда белгиланган тартибда кўриб чиқилиши керак. Ташкилотнинг "Ишонч телефони"га келиб тушган мурожаатлар оғзаки сифатида қайд этилиши, рўйхатга олиниши, кўриб чиқилиши ҳамда ижроси сифатли таъминланиши зарур. Айни пайтда Низомдаги ариза, таклиф, шикоят, аноним мурожаат, мурожаатнинг дубликати, такрорий мурожаат, электрон мурожаат, оммавий қабул, видео-конференц-алоқа, давлат иштирокидаги ташкилот каби атамалар ҳақида тушунчалар берилди. Айтилдики, мурожаат этиш ҳуқуқи ихтиёрий амалга оширилади. Ҳеч ким бирон-бир мурожаатни ҳимоя қилишга ёхуд унга қарши қаратилган ҳаракатларда иштирок этишга мажбур қилиниши мумкин эмас. Мурожаат этиш ҳуқуқининг амалга оширилиши бошқа жисмоний ва юридик шахс¬ларнинг ҳуқуқларини, эркинликларини ҳамда қонуний манфаатларини, шунингдек, жамият ва давлат манфаатларини бузмаслиги керак. Қонунга мувофиқ, хорижий давлатларнинг жисмоний ва юридик шахслари, фуқаролиги бўлмаган шахс¬лар Ўзбекистон Республикаси давлат органларига, ташкилотларига ва уларнинг мансабдор шахсларига ушбу қонунга мувофиқ мурожаат этиш ҳуқуқига эга. Кун тартибида кўрилган масала бўйича музокаралар ва савол-жавоблар бўлди. Ана шулар асосида тегишли қарор қабул қилинди. Зафаржон ЖЎРАБОЕВ, туман молия бўлими мудири.

ҚИШ КАСАЛЛИКЛАР ФАСЛИМИ?

Шифокор одам ҳаётига хавф солувчи касалликлар ҳақида маълумот бериш жараёнида соғломликнинг энг муҳим шарти ҳисобланган шахсий гигиенага мунтазам риоя қилиш эканлигини таъкидлади. Ботулизм - овқатдан заҳарланиш. Уй шароитида тайёрланган консервалар, истеъмол учун яроқсиз озиқ-овқатлар эса уни келтириб чиқарувчи омил ҳисобланади. Консерваларнинг яроқсизлигини қай тариқа аниқлаш мумкинлиги тушунтирилди. Касалликка чалинган одамларда юзага келадиган аломатлар-у ўзбошимчалик билан даволаш оқибатлари ҳам. - Вирусли гепатит ўткир юқумли касаллик бўлиб, жигар ҳужайраларининг зарарланиши билан боғлиқ. Унинг А, В, С, Д, Е ҳамда Г турлари мавжуд. Асосан А ва Е вирусли гепатитларда вируслар бемор ахлати орқали ташқарига чиқади. Шунинг учун ахлат, сув, озиқ-овқат маҳсулотлари, бемор фойдаланган буюм ва нарсалар жуда хавфлидир. Яширин даври 35-45 кунни ташкил этиши касалланган боланинг атрофидаги болаларга юқтириш хавфи бошқа хасталикларга қараганда кучлироқ, - дейди мутахассис. Ўтган ўн йил мобайнида бу касалликка чалинган беморлар сони аввалги йилларга қараганда икки баробар камайган. Лекин болалар ўртасида касалланиш даражаси юқорилигича қолаётгани ташвишланарли. Мактаб ўқувчилари энди қишни касалликларга чалинмай ўтказишлари табиий. Сабаби болаларнинг хасталиклар бўйича саволларига Ҳамидулло Шералиев илмий асосланган ҳолда болалар тушунадиган тарзда тушунчалар берди. Одамлардаги салбий иллатларга қарши ғоявий иммунитет ҳосил қила олди ҳам. Туман ҳокимининг ҳар жума "Санитария куни"ни ўтказиш бўйича чиқарган фармойиши асосида бундай тадбирлар барча муассасаларда ташкилланяпти. «Мингбулоқ» мухбири.

МЕРОСГА ОҚИЛОНА МУНОСАБАТ

Туманимизда Ўзбекистон Республикаси Вазирлар Маҳкамасининг 2018 йил 15 февралдаги "Муқаддас қадамжолар, зиёратгоҳлар, масжидлар ва қабристонларни ободонлаштириш ишларини самарали ташкил этиш тўғрисида"ги 120-сонли қарори асосида муайян тадбирлар амалга оширилмоқда. Бугунги кунда туманимизда 5 та моддий маданий ва археология мероси, мерос объекти рўйхатга олинган. Улар туман Ободонлаштириш бошқармаси балансида туради. Жами 35 гектарга яқин майдонга эга. Ҳукумат қарори асосида бу объектларга эътибор ҳар қачонгидан ҳам оширилган. Айниқса, ўтган йили туман ҳокимлиги раҳбарлигида кенг кўламдаги ишлар рўёбга чиқарилди. Мустақиллик маҳалласидаги қабристон атрофини давр талаблари даражасида ўраш зарурати туғилган эди. Туман Ободонлаштириш бошқармаси ҳамда Ўзбекистон Мусулмонлар идорасининг тумандаги вакили тавсияларига асосан бу иш учун 61 миллион 200 минг сўм маблағ ажратилди. Баланд Гуртепа маҳалласидаги "Шаҳид" қабристонида ёзги айвонча қуриш учун 51 миллион сўм маблағ ажратилган ҳолда иш жадал бошлаб юборилган. Туман ҳокимининг бюджетдан ажратган жами 218 миллион сўм маблағи ҳисобига якунланган йилда 6 та масжидда зарур ишлар амалга оширилди. Бу ўтганларимиз хотирасига тирикларнинг ҳурматидир. Шу ўринда "Топтиқ азиз" жомеъ масжиди ҳақида алоҳида тўхталиш жоиз. У 1900 йилда барпо этилган. Бу мажмуа ҳақида эшитмаган одам бўлмаса керак. Масжид имом-хатиби М. Умрзоқовнинг ташаббуси билан туман ҳокимлиги, қўшни қишлоқлар ва маҳалла фуқаролари, тадбиркору фермерлар ҳиммати туфайли бу ерда мисли кўрилмаган қурилиш-монтаж, ободонлаштириш ишлари амал¬га оширилди. 2018 йили 560 кишига мўлжалланган ушбу масжид қурилиши саҳоватпеша кишиларнинг хайр-эҳсонлари боис қайта сайқал топди. 4 та минора ва 7 метр айвондаги гумбазли масжид биноси қишлоқ кўркига кўрк қўшганлиги нафақат момохонликларни, балки бутун туман аҳлини қувонтирмоқда. Бу йил ҳам ўтган йили бошланган хайрли ишларни давом эттирамиз. Умид қиламизки, ўтганларимиздан мерос бўлиб келаётган мазкур объектларда бугунги авлод келажакни кўзлаган ҳолда барча хайрли ишларни амалга оширишга тайёр. Улуғбек КАРИМЖОНОВ, туман маданият бўлими мудири.

ТУМАН КЕНГАШИ СЕССИЯСИДА

Халқ депутатлари туман Кенгашининг етмиш еттинчи сессияси ўтказилди. Кенгайтирилган таркибдаги сессия ишини туман ҳокими, Кенгаш раиси Т. Рапиков очди ва олиб борди. Сессия ишида туман ҳокимининг ўринбосарлари, туман ҳуқуқни муҳофаза қилувчи идоралар раҳбарлари, туман ташкилотлари ҳамда оммавий ахборот воситалари вакиллари иштирок этдилар. Туман Кенгаши сессиясида дастлаб "Мингбулоқ тумани 2019 йилги маҳаллий бюджетининг белгиланган асосий параметрлари ҳамда туман маҳаллий бюджетининг 2018 йилги кутилаётган ижроси ҳақида"ги масала кўриб чиқилди. Масала бўйича туман ҳокимлигининг Молия бўлими бошлиғи З. Жўрабоев маъруза қилди. Депутатлар кун тартибидаги иккинчи масала - Ўзбекистон Республикаси Президентининг "Ҳудудларнинг жадал ижтимоий-иқтисодий ривожланишини таъминлашга доир устувор чора-тадбирлар тўғрисида" 2017 йил 8 августдаги ПҚ-3182-сон қарорини туманда ижросини таъминлаш мақсадида туман секторлар раҳбарларининг ҳисоботини эшитдилар. Сессияда Ўзбекистон Республикаси Президентининг "Маҳаллий давлат ҳокимияти органларининг молиявий эркинлигини ошириш, маҳаллий бюджетларга тушумларнинг тўлиқлигини таъминлаш бўйича солиқ ва молия органлари жавобгарлигини кучайтиришга оид қўшимча чора-тадбирлар тўғрисида" 2017 йил 13 декабрдаги ПФ-5283-сон Фармонининг ижроси юзасидан туманда амалга оширилган ишлар ҳақида, жорий йилнинг 5 июнь куни Ўзбекистон Республикаси Президенти раислигида ўтказилган видеоселекторда республиканинг барча туман ва шаҳарларида бюджет даромадлари базасини ошириш, янги иш ўринларини ташкил этиш, инвестиция лойиҳаларини амалга ошириш масалалари бўйича ишлар натижадорлиги тўғрисида, Ўзбекистон Республикаси Президентининг "Фермер, деҳқон хўжаликлари ва томорқа ер эгаларининг ҳуқуқлари ва қонуний манфаатларини ҳимоя қилиш, қишлоқ хўжалиги экин майдонларидан самарали фойдаланиш тизимини тубдан такомиллаштириш чора-тадбирлари тўғрисида" 2017 йил 9 октябрдаги ПФ-5199-сон Фармони ижроси ҳамда Кенгашнинг фаолияти ва кўп тармоқли фермер хўжаликларини ташкил этиш бўйича ишлаб чиқилган қўшимча чора-тадбирлар Дастурининг йил якуни бўйича амалга оширилган ишлар ҳақидаги масалалар кўриб чиқилди. Туман Кенгашининг сессиясида "Туманда 2018 йил аҳоли бандлигига кўмаклаш Давлат дастури" доирасида муайян меҳнат турлари билан шуғулланиш истагида бўлган кам таъминланган оилалар вакиллари, шунингдек, ўрта махсус, касб-ҳунар таълими муассасаларининг битирувчиларига имтиёзли шартлар асосида микрокредитлар ажратиш ҳолати" ҳамда "Ўзбекис¬тон Республикаси қонун хужжатлари ва халқаро меҳнат стандартларига мувофиқ фуқароларнинг кафолатланган меҳнат ҳуқуқларини таъминлаш бўйича олиб борилаётган ишлар ва келгусидаги вазифалар тўғрисида"ги масалалар атрофлича муҳокама қилинди. Кун тартибидаги навбатдаги масала - Ўзбекистон Республикаси Олий Мажлиси Сенатининг "Тўй-ҳашамлар, оилавий тантаналар, маърака ва маросимлар, марҳумларнинг хотираларига бағишланган тадбирларни намунали ўтказишга оид қўшимча чоралар тўғрисида" 2018 йил 29 июндаги қарори ижроси ҳақида" депутатлар ўз муносабатларини билдиришди. Ўзбекистон Республикаси Президенти Ш. М. Мирзиёев ҳузурида 2018 йил 27 июль куни ҳуқуқбузарликлар профилактикаси ва жиноятчиликка қарши курашиш масалалари юзасидан ўтказилган видеоселектор йиғилишида берилган топшириқлар ижроси бў¬йича тасдиқланган чора-тадбирлар дастурининг 5.2-банди "Ёшлар-Келажагимиз" Давлат дастурининг ижросини ташкил этишга кўмаклашиш бўйича қилинаётган ишлар ҳақидаги ахборот тингланди. Кун тартибидаги навбатдаги масала - ҳуқуқбузарликлар профилактикаси ва жиноятчиликка қарши курашиш, фаолиятни тизимли ташкил этиш борасида амалга оширилган ишлар аҳволи хусусидаги масала муҳокама этилди. Соҳага дахлдор ташкилот ва муассасалар раҳбарларининг ҳисоблари тингланди, камчилликларга йўл қўйган мутасаддилардан масъулият талаб қилинди. Депутатлар сессияда кўриб чиқилган барча масалалар бўйича тегишли қарорларни, сессиялар оралиғида қабул қилинган туман ҳокими қарорларини ҳамда туман Кенгаши айрим комиссияларининг қайта кўриб чиқилган таркибларини тасдиқладилар.