• Mingbulok.uz

    asosiy portali

    Demo

    Hukumat

    Kirish

    Demo

    Davlat ramzlari

    Gerbimiz

  • Aholi

    Qishloqlar

    • Jamashuv
    • Tegirmon
    • Qog'yli ko'l
  • Biz bilan bog'lanish

    Hizmatlar

    Demo

Jomashuy

60 yillik toy

batafsil

Istirohat bog'i

Demo

Do'stilk madaniyat va istirohat bog'i

batafsil

Madaniyat saroyi

Demo

Madaniyat saroyi haqida qisqacha ma'lumot.

batafsil

ҒЎЗА ГУЛЛАДИ

«Муҳаммад Акмал» фермер хўжалиги пахтакорлари ғўза парваришини агротехника қоидалари асосида олиб боришмоқда. Деҳ­қон меҳрига қонаётган кўчатлардаги ҳосил нишоналари кўзни қувонтиради. Акмалжон Яминов раҳбарлигидаги мазкур фермер хўжалигида 23 июль куни туманимизда биринчи бўлиб ғўза гуллади.

Асосий эътибор бўлиқ кўсаклар яратиб, ҳар туп кўчатда етарли миқдорда ҳосил нишоналарини сақлаб қолишга қаратилмоқда.

5 августдан бошланган ғўза парваришидаги эарбдор ойликда «Самандарнинг сеҳр садоси» фермер хўжалиги деҳқонлари ҳам фаол қатнашишмоқда.

Мавжуд 24 гектар майдондаги ғўза ниҳоллари юқори агротехника талаблари асосида парваришланаётганлиги сабабли ҳосил нишоналари кундан-кунга кўпаймоқда. Механизатор Адҳамжон Маматкаримов билан сувчи Рустамжон Абдуқодиров озиқлантириш ҳамда суғоришни узвий боғлиқ ҳолда йўлга қўйишган. Гулбаҳор Маҳмудова, Зуҳра Собирова каби ишчилар ғайрати билан чеканкалаш ниҳоясига етказилди.

Бердиқул МАҲМУДОВ,

жамоатчи мухбир.

ҚЎМИТАГА ЯНГИ РАИС

Туман Хотин-қизлар қўмитаси бошқарув кенгашининг навбатдан таш­қари йиғилиши бўлиб ўтди. Уни вилоят ва туман Кенгашлари депутати, 43-мактаб директори М. Маҳкамова очди ва олиб борди.

Йиғилишда ташкилий масала кўрилди. Ирода Қўчқарова вилоят ҳокимининг ўринбосари - вилоят Хотин-қизлар қўмитаси раиси лавозимига ишга ўтгани муносабати билан вазифасидан озод этилди.

Туман Хотин-қизлар қўмитаси раислигига ҳозиргача Республика Маънавият ва маърифат маркази туман бўлими раҳбари лавозимида ишлаб келаётган Санобар Абдураҳмонова номзоди кўрсатилди.

Сўзга чиққан «Нуроний» хайрия жамоат фонди туман бўлими раиси М. Саидмуродова, туман ФҲДЁ бўлими мудираси О. Абдуллаева, 17-мактаб директори С. Исмадиёровалар И. Қўчқарованинг янги лавозимидаги фаолиятига омадлар тилаб, С. Абдураҳмоновани муносиб номзод сифатида қўллаб-қувватладилар.

Йиғилишда туман ҳокими, вилоят Кенгаши депутати Т. Рапиков туман хотин-қиз фаоллари олдида турган долзарб вазифалар ҳақида якунловчи нутқ сўзлади.

“Shedevr plaza” меҳмонхонаси

Бугун “Shedevr plaza” меҳмонхонаси анжуманлар залида Ўзбекистон Республикаси туризмни ривожлантириш давлат қўмитаси томонидан Наманган вилоятида фаолият кўрсатаётган тадбиркорлик субъектларига қабул қилинаётган меъёрий ҳужжатлар, жумладан, Вазирлар Маҳкамасининг жорий йил 29 майдаги 398-сонли қарори мазмун-моҳиятини тушунтириш, уларни соҳада амалга оширилаётган ишлар, рўй бераётган янгилик ва ўзгаришлардан яқиндан хабардор қилиш мақсадида видео-конференция ўтказилди.

КОСМИК ГЕОДЕЗИЯ ГУЛБОҒ ҚИШЛОҒИЛИК ОЛИМ НИГОҲИДА

Эркин Мирмаҳмудов 33-мактабни битиргач, олийгоҳда таҳсил олди. Космик геодезия билан шуғулланиб, устозлари назарига тушгач, Ўзбекистон Миллий университетига ишга таклиф этилган. Олийгоҳда илмий изланишга астойдил киришди. Геодезия, картография ва кадастр кафедрасидаги устозлари кўмагига таянди. Кўп вақт ўтмай техника фанлари номзоди илмий даражасига эришган. Бугун мазкур кафедрада доцент.

- Илмий фаолиятимни 1992 йили Тянь-Шан тоғи ҳудудида бошлагандим, - дея ҳикоя қилади Эркин Раҳимжонович. - Асосий эътиборимни космик геодезияни ўрганишга қаратдим.

Ёш олимни қизиқтирган космик геодезиянинг ўзи нима? Бу Ернинг ва бошқа планеталарнинг сунъий йўлдошларини кузатишдан илмий ва илмий-техник масалаларни ечишда фойдаланиш тадбирлари ҳақидаги геодезия фанининг бўлимидир. Биринчи ва асосий масала Ер, Ой ва планеталарнинг шакли, катталиги ва суткалик айланишини характерловчи фундаментал ўзгармас катталикларини ва уларнинг вақт давомида ўзгаришини аниқлашдан иборат. Иккинчи масала геодезик ва геоцентрик координаталар тизимини яратиш бўлиб, бу якка координаталар тизимида таянч нуқталар тўрини қуриш демакдир. Бу - геофизика ва геодинамика масалалари ечимида, табиий бойликлар ресурсларини аниқлашда ва космик картографияда Ернинг космик тасвири натижаларининг координата-вақт боғланишидан фойдаланиш дегани.

У изланишлари асосида 2016 йили олийгоҳларнинг «Геодезия ва картография» йўналиши магистрантларига мўлжалланган илмий қўлланма чоп эттирди. Китобдан геодезия, карто­графия ва кадастр соҳасида фаолият олиб бораётган катта илмий ходим - изланувчилар, ёш олимлар, ўқитувчилар фойдаланишмоқда.

Олим космик геодезияда қўлланилаётган координаталар тизими, Ернинг сунъий йўлдошлари, уларни кузатиш усуллари, геометрик ва геодинамик масалалари, Ўзбекистонда сунъий йўлдошларни кузатиш натижалари асосида ечилаётган геодезия масалалари билан жиддий шуғулланмоқда. Ўтган давр мобайнида Россия, Австрия, Чехословакия, Туркия, Покистон, Эстония давлатларида ўтказилган Халқаро конференцияларда маърузалари билан иштирок этган. Ҳозирда Саудия Арабистонида бўладиган нуфузли форумга астойдил тайёргарлик кўрмоқда.

Ишончимиз комилки, мингбулоқлик олим Эркин Мирмаҳмудовнинг  Ўзбекистонда космик геодезияни ривожлантириш борасидаги машаққатли изланишлари бесамар кетмайди.

Нур ЗИЁД,

журналист.

ҲОКИМ ЁШЛАР ҲУЗУРИДА

Президентимиз Ш. М. Мирзиёевнинг 2017 йил 5 июлдаги «Ёшларга оид давлат сиёсати самарадорлигини ошириш ва Ўзбекистон ёшлар иттифоқи фаолиятини қўллаб-қувватлаш тўғрисида»ги Фармони ижроси доирасида туманимизда ҳам кенг кўламли тадбирлар амалга оширилмоқда.

Туман ҳокими, вилоят Кенгаши депутати Т. Рапиков соҳадаги ишларни тубдан такомиллаштириш ҳамда янги босқичга кўтаришга қаратилган вазифалардан келиб чиққан ҳолда бу масалага жиддий ёндашяпти. Жумладан уюшмаган ёшлар тақдири доимий эътиборда.

Яқинда туман ҳокимлигининг мажлислар залига уюшмаган йигит-қизлардан қарийб 300 нафари жамланишди. Туман ҳокими уларга Президентимизнинг ёш­ларга бўлган эътибори, кўрсатаётган ғамхўрликлари хусусида ахборот берди. Туманда бу борада қилинаётган ишлар хусусида гапирди.

Йиғилган ёшлар бундай эътибору ғамхўрликлар учун мамлакатимиз раҳбаридан мамнунликларини билдирдилар. Тадбиркорлик фаолиятини бошлаш ёки ривожлантириш, ишга жойлашиш, олийгоҳларда ўқиш бўйича кўплаб саволлар йиғилиб қолган экан. Уларга мутасадди ташкилотлар раҳбарлари томонидан жавоблар қайтарилди, амалий ёрдамлар кўрсатишга ваъдалар берилди.

 Ҳоким ёшлар томонидан кўтарилган масалаларни тезкорлик билан ҳал этиш учун уларни ўз назоратига олажагини айтди. Бир қатор талаб ва муаммолар эса шу куниёқ бартараф этилди. Бундай тадбирларни тумандаги мавжуд 4 та секторда алоҳида-алоҳида ўтказиладиган бўлди.

Бинобарин, туман ҳокими таъкидлаганидек, юксак билимли, замонавий фикрлайдиган, қатъий ҳаётий позицияга эга ёшлар - юрт таянчи. Бундай йигит-қизларни ҳар томонлама қўллаб-қувватлаш, маънавий етук, жисмонан соғлом, ватанпарвар ва фидойи этиб тарбиялаш, ҳуқуқ ҳамда манфаатларини ҳимоя қилиш давлатимиз сиёсатининг устувор йўналишларидан биридир.