• Mingbulok.uz

    asosiy portali

    Demo

    Hukumat

    Kirish

    Demo

    Davlat ramzlari

    Gerbimiz

  • Aholi

    Qishloqlar

    • Jamashuv
    • Tegirmon
    • Qog'yli ko'l
  • Biz bilan bog'lanish

    Hizmatlar

    Demo

Jomashuy

60 yillik toy

batafsil

Istirohat bog'i

Demo

Do'stilk madaniyat va istirohat bog'i

batafsil

Madaniyat saroyi

Demo

Madaniyat saroyi haqida qisqacha ma'lumot.

batafsil

Мингбулоқ тумани кичик саноат зонаси

       Мингбулоқ тумани Ёшлик маҳалла фуқаролар йиғини ҳудудида жойлашган Гулбоғ қишлоқ участка шифохонасининг бўш турган, фойдаланилмаётган қисмида ташкил этиладиган кичик саноат зонасида тадбиркорлик йўналишида 17 та лойиҳани сиғдирилган схемаси тузилди. Мингбулоқ туман ҳокимлиги кичик саноат зонасида тадбиркорлик фаолиятини амалга оширмоқчи бўлган тадбиркорлик субъектлари ўртасида танлов эълон қилади. Ушбу кичик саноат зонасида лойиҳаларни амалга ошириш истагида бўлган тадбиркорларни ўз “Бизнес режа”ларини туман ҳокимлиги инвестиция бўлимига тақдим этиши сўралади.

Мурожаат учун телефонлар: 45-21-522, 45-22-013

ФАРЗАНДИ «МАРД ЎҒЛОН» БЎЛИШИНИ КИМ ҲАМ ХОҲЛАМАС

- Президентимиз ташаббуслари билан мамлакатимизда «Мард ўғлон» Давлат мукофоти таъсис этилганидан бағоятда хурсандман, - дейди Ингичка қишлоғилик Саломат Аҳмедова. - Ўғлим Бобурбек ҳам шундай мукофотларга муяссар бўлишини Яратгандан тилаб доимо дуодаман. Унинг наманганлик тенгдошларидан Сарвар Муродиллаев билан Муҳаммадхон Юсуповлар ушбу мукофотга лойиқ топилганликлари менга оламча қувонч ва умид бағишлайди.

Дарҳақиқат, онахоннинг фахрланганича бор. Ўғли Бобурбек 2003 йилдан буён спортнинг каратэ-до тури билан шуғулланиб келмоқда. 12 ёшида водий чемпионатида биринчиликни эгаллаган. 2013 йили Ўзбекистон чемпиони бўлиш бахти мушарраф айлаган. 2015 йили эса Осиё чемпиони мақомини қўлга киритди. Келгуси йили "Kombat IKDO" бўйича спорт усталигига номзод бўлган. Айни пайтда Ўзбекистон Миллий гвардияси қисмида йигитлик бурчини ўтамоқда.

Онахон Чортоқ туманида туғилиб ўсган, Наманган муҳандислик-қурилиш инс­титутида таҳсил олаётган Сарварнинг ютуқларидан ҳам бохабар. Ахир у ҳам ўғли каби каратэда тобланган, муносиб мавқега эга. Яқинда Малайзия пойтахти Каула-Лумпур шаҳрида каратэ бўйича ўтказилган хал­қаро турнирда ҳам қатнашди. 67 килограмм вазн тоифасида Индонезия, Эрон ва Малайзия вакилларини енгиб, олтин медални қўлга киритган. Ҳиндистоннинг Деҳли шаҳрида ўтказилган "Kamagata Gup" халқаро турнирида ҳам шоҳсупанинг энг юқори поғонасига кўтарилди.

23 ёшли Муҳаммадхонга янги таъсис этилган мукофот институт талабаси бўлиш имтиёзини ҳам туҳфа қилди. У Ўзбекистон Давлат жаҳон тиллари университетининг таржима назарияси ва амалиёти факультетини танлади.

У 2014 йили Наманган туманидаги Олаҳамак иқтисодиёт коллежини битирган эди. Давлат мукофотига адабиёт йўналишининг наср ва драматургия соҳаси бўйича эришди. "Янги авлод - 2009" республика иқтидорли ёшлар танловининг вилоят босқичида биринчиликни эгаллаган. Қозоғистон Республикасининг "Сайрам сабоси" наш­ри томонидан ўтказилган энг яхши қисқа ҳикоялар бўйича танлови ҳамда "PROI'odie" II кинофес­тивали ғолиби.

2018 йил унинг учун омадли келди. "Қисқа ҳикоялар" номли китоби чоп этилди. Ўзи Ёшлар иттифоқи муассислигидаги  Республика ёш ижодкорлар кенгашида иш бошлаши зиммасидаги масъулиятни ҳар қачонгидан ҳам оширгани табиий.

Бобурбекнинг онаси Сарвар ҳамда Муҳаммадхонларга ҳавасу ҳайрат билан боқаётгани турган гап. Фарзандларининг "Мард ўғлон" бўлишини орзулаётган мингбулоқлик онахонлар эса ягона эмас. Ким ҳам она Ватанига садоқат билан хизмат қиладиган ўғлидан фахр-ифтихор туюшни хоҳламайди юртимизда.

МунаввархонМУРОДИЛЛАЕВА,

Ўзбекистон Республикаси Қуролли кучлари

академиясининг тиллар кафедраси ўқитувчиси.

РУС ТИЛИГА ЭЪТИБОР

45-сонли умумий ўрта таълим мактабининг рус тили бўйича олий тоифали ўқитувчиси Риза Азизов ташкилотчи ва ташаббускорлиги, ёшлар тақдири ҳақида куюнчаклиги билан кўпчиликка яхши таниш.

"Рус адабиёти - ўзбек мактабларида", "Лермонтов ижодида ватанпарварлик тарбияси" мавзуларидаги дарс ишланмалари республика миқ­ёсида оммалаштирилгани эътиборга молик. "Йил ўқитувчиси" кўрик-танлови ғолиблигига, "Халқ таълими аълочиси", "Энг яхши фан тўгараги раҳбари" деган шарафли номларга бежизга эришмаган.

Яқинда унинг яна бир саъй-ҳаракати туман ва вилоят ҳокимликлари томонидан маъқулланганлиги диққатга сазавор. Устоз фаолият юритаётган илм масканига рус тили фанига ихтисослаштирилган давлат умумтаълим мактаби (ДИУМ) мақоми берилди. Шу муносабат билан  2018-2019 ўқув йили учун махсус 2-синфга 30 нафар ўқувчи психологик сўровнома ва диктант орқали қабул қилинди.

Бу мустақиллик туфайли хорижий, жумладан рус тилини мукаммал ўрганишга бўлган эътибордир.

Янги ўқув йилингиз муборак бўлсин, қимматли мингбулоқлик ҳамкасблар!

Баҳодир ҚОДИРАЛИЕВ,

туман ХТБ мудирининг ўринбосари.

ҚИШЛОҒИМИЗ - ОБОД, ЁШЛАР КЎНГЛИ ШОД

Президентимиз Ш. М. Мирзиёевнинг 2018 йил 27 июлдаги Фармони билан қабул қилинган "Yoshlar - kelajagimiz" Давлат дастури эртамиз эгаларининг ташаббуслари, ғоя ва ло­йиҳаларини рўёбга чиқариш, йигит-қизларни меҳнат бозорида талаб юқори бўлган мутахассисликлар ва бизнес юритиш кўникмаларига ўқитиш, уларнинг бандлигини таъминлашга доир амалий ишлардан биридир.

Булар катта-катта мақсадли, бироқ уни амалга оширишда иккиланиб, бир оз қийналиб турган қанча-қанча ёшларни охир-оқибатда аниқ ташаббуси бор, янги-янги ғоялари билан юртимиз тараққиётига ҳисса қўшишга тайёр бутун бошли бир авлодни юзага чиқаради.

Юртбошимиз ташаббуси билан юртимизда илк маротаба Жиззах вилоятининг Манас қишлоғида амалга оширилган "Обод қишлоқ" дастури қисқа муддатда мамлакатимиз бўйлаб ёйилди. Халқ бу ўзгаришларни катта хурсандчилик билан кутиб олди. Давлат миқёсида умумхалқ ҳаракатига айланди. "Обод қишлоқ" дас­тури тўғрисида"ги Фармон ҳамда "Обод қишлоқ дастурини амалга ошириш бўйича қўшимча чора-тадбирлар тўғрисида"ги Президент Қарори асосида барча туманларда қишлоқ ва маҳаллалар танлаб олиниб, бу ҳудударда комплекс равишда бунёдкорлик, ободонлаштириш ишлари олиб борилмоқда. Биз яшаётган Кичик Жомашўй қишлоғи ана шулардан биридир.

Ҳамқишлоқларимиз, айниқса, 9-мактабгача таълим муассасаси ҳамда 15-умумтаълим мактаби давр талаблари даражасида сай­қалланаётганидан мамнунлар. Ўқитувчи, тарбиячи ва болаларнинг қувонганларини айтмайсизми? Бу ишларда бевосита ёшларнинг вакиллари ҳам ғайрат-шижоат билан қатнашишяпти. Обод қишлоқда яшаганга нима етсин. Кайфият зўр, шароит яхши жойда тараққиёт, қут-барака бўлади-да. Ёшларнинг-ку ташаббуслари қанот ёзиши тайин.

Зеро, эътибор ва рағбат ҳар бир кишига куч-қувват бағишлайди, интилишларига қанот бўлади. Эзгу орзулари ушалиб, юксак марралар сари руҳланган ёшлар эса жамиятнинг ишончи ва таянчига айланади. Мустақил Ўзбекистонимиз ана шундай бебаҳо хазинага - иродаси тобланган, улкан мақсадларни дилига тугиб, эл-юрт тақдирини менинг тақдирим, деб яшаётган ёшларга эга. Уларнинг ҳар бирини қўллаб-қувватлаш учун барча куч ва имкониятлар сафарбар этилаётганидан шодланмай бўладими?

Дилшода ДЕҲҚОНОВА,

Ўзбекистон ёшлар иттифоқи туман кенгаши фаоли.

ГУЛБОҒДА ТЎЙХОНА

Алами қишлоғилик Соибжон Исмоилов тўй қилди. Келин олди. Меҳмонлар ҳавас қиларли даражада ўтди тўй. Ошиқча югур-югур, оворагарчиликлар ҳам йўқ.

Бунинг сабаби Гулбоғ қишлоғида тўй ва маросимлар мажмуаси очилган, 6 та янги иш ўрни ҳам яратилгани эди. Тадбиркор Ботирали Мамажонов эндиликда ҳам­қишлоқларининг олқишу дуоларини олмоқда. Тўйхонада буюрт­мачилар учун барча шарт-шароитлар бор. Бошқа турли хил тантанали маросимлар ҳам ўтказиляпти.

- Илгари ҳам тўй қилганмиз, - дейди Соибжон Исмоилов. - Уйда қанча оворагарчиликлар бўлган. Бу гал оиламиз аъзоларига меҳмон кутиш ва кузатишдан бошқа юмуш қолмади ҳисоб.

Дарвоқе, бугун туманимизда бундай мажмуалар сони 5 тага етди.

Бердиқул МАҲМУДОВ,

жамоатчи мухбир.