• Mingbulok.uz

    asosiy portali

    Demo

    Hukumat

    Kirish

    Demo

    Davlat ramzlari

    Gerbimiz

  • Aholi

    Qishloqlar

    • Jamashuv
    • Tegirmon
    • Qog'yli ko'l
  • Biz bilan bog'lanish

    Hizmatlar

    Demo

Jomashuy

60 yillik toy

batafsil

Istirohat bog'i

Demo

Do'stilk madaniyat va istirohat bog'i

batafsil

Madaniyat saroyi

Demo

Madaniyat saroyi haqida qisqacha ma'lumot.

batafsil

3 КУНДА 1166 КИШИГА ИШГА ЙЎЛЛАНМА

27-29 август кунлари туманда аҳоли бандлигини таъминлаш юзасидан республика ишчи гуруҳи ташаббуси билан "Ҳар бир оила - тадбиркор" дастури куни ҳамда "Меҳнат ярмаркаси" ўтказилди.

Тадбир Мингбулоқ Агросаноат касб-ҳунар коллежида карнай-сурнай садолари остида бошланди. Уни туман ҳокими, вилоят Кенгаши депутати Т. Рапиков қисқача кириш нутқи билан очди.

Наманган шаҳри, Тўрақўрғон тумани ҳамда туманимиз ҳудудида жойлашган 174 та корхона ва ташкилот ўзининг мавжуд 1006 та бўш иш ўринларини ишга талабгорларга тавсия этди. Тадбиркорлик субъектларининг, тижорат банкларининг, ҳуқуқий идораларнинг раҳбар ва мутахассислари меҳмону мезбонларга ўз хизматларини кўрсатдилар. Тадбиркору ҳунармандлар ўзлари тайёрлаган, ишлаб чиқарган маҳсулотлар, кўргазмаларини ташкил этишгани, санъаткорлар концерт дас­турини ҳавола қилишгани тадбир кўтаринкилигини, одамларнинг кайфиятларини оширишга хизмат қилди. Тижорат банклари имтиёзли кредитлари тарғиботи билан шуғулландилар.

Кун якунида туман Банд­ликка кўмаклашиш маркази директори Б. Юсупов меҳнат ярмаркасида 321 киши ишли бўлганини таъкидлади. 48 нафар фуқаро кредит олиш бўйича банклар билан шартнома тузган.

28, 29 август кунлари тадбир Жомашўй шаҳарчасидаги "Дўстлик" маданият ва истироҳат боғида янада уюшқоқлик ва кўтаринкилик руҳида давом этди. Одамларга Наманган шаҳиридан келган вилоят тиббиёт муассасалари малакали шифокорлари томонидан хизматлар кўрсатилди. Қанча одам тиббий кўрикдан ўтди. Тадбиркор, ҳунарманд ва фермерларнинг ташкил этган кўргазмалари иштирокчиларга хушнудлик бағишлади.

Шу нарса диққатга сазоворки, К. Турдалиев раҳбарлигидаги туман давлат хизматлари маркази ходимлари тадбирлар давомида ишли бўлган фуқароларга электрон рақам имзоси, жамғариб бориладиган пенсия тизимида ҳисобга қўйиш, ўзбошимчалик билан қурилган турар-жойларга эгалик ҳуқуқини бериш, мактабгача таълим муассасаларига йўлланма бериш бўйича йигирмадан зиёд хизмат кўрсатишга ҳам муваффақ бўлди.

Шу тариқа 3 кунда 1166 киши ўзлари хоҳлаган жойларда ишлаш учун йўлланма олди. 141 киши "Ҳар бир оила - тадбиркор" дас­тури доирасида кредитлар олиш бўйича шартномаларга имзо чекди. 104 нафар хотин-қиз тикувчилик фаолиятини амалга ошириш учун тикув машинасига эга бўлди.

Анвар ХУДАЙБЕРГАНОВ олган сурат.

МАҚОМГА МАФТУНМАН

Туманимизда ўтказилган маънавий-маърифий, оммавий тадбирларда Алижон Мамадалиев, Шавкат Бекбоев, Абдумутал Ашуров каби устоз санъаткорлар ижросидаги мақомларни кўп тинглаганман. Менда уларнинг қўшиқлари сабаб санъатга иштиёқ туғилган бўлса не ажаб.

Президентимизнинг 2017 йил 17 ноябрдаги "Ўзбек миллий мақом санъатини янада ривожлантириш чора-тадбирлари тўғрисида"ги Қарори ижроси доирасида амалга оширилаётган ишлардан қалбим ғурурга тўлмоқда. 6-10 сентябрь кунлари Шаҳрисабз шаҳри Халқаро мақом санъати анжуманига мезбонлик қилиш ҳақидаги хушхабар эса чексиз фахр-ифтихор туйғуларини жўш урдириб юборди.

Бугунги кунда мақом оҳанграбоси бошқа давлатлар санъаткорлари ва сайёҳларини ҳам ўзига мафтун этмоқда. Бундан ғурурланмай бўладими?

Тўғри, мен шу йил бошида Россия Федерациясининг Санк-Петербург шаҳрида ўтказилган "Олтин Қақнус" номли халқаро танловда анъанавий хонандалик бўйича бош совринга муносиб топилдим. Лекин мақомга ҳам ҳурматим баланд. Юртимизда мақом санъатига эътибор кучаяётган экан, бу ҳаракатнинг фаол иштирокчисига айланаман.

Фирдавс ТОҲИРЖОНОВ,

2-сонли Болалар мусиқа ва санъат мактаби ўқувчиси.        

Мингбулоқ тумани кичик саноат зонаси

       Мингбулоқ тумани Ёшлик маҳалла фуқаролар йиғини ҳудудида жойлашган Гулбоғ қишлоқ участка шифохонасининг бўш турган, фойдаланилмаётган қисмида ташкил этиладиган кичик саноат зонасида тадбиркорлик йўналишида 17 та лойиҳани сиғдирилган схемаси тузилди. Мингбулоқ туман ҳокимлиги кичик саноат зонасида тадбиркорлик фаолиятини амалга оширмоқчи бўлган тадбиркорлик субъектлари ўртасида танлов эълон қилади. Ушбу кичик саноат зонасида лойиҳаларни амалга ошириш истагида бўлган тадбиркорларни ўз “Бизнес режа”ларини туман ҳокимлиги инвестиция бўлимига тақдим этиши сўралади.

Мурожаат учун телефонлар: 45-21-522, 45-22-013

ФАРЗАНДИ «МАРД ЎҒЛОН» БЎЛИШИНИ КИМ ҲАМ ХОҲЛАМАС

- Президентимиз ташаббуслари билан мамлакатимизда «Мард ўғлон» Давлат мукофоти таъсис этилганидан бағоятда хурсандман, - дейди Ингичка қишлоғилик Саломат Аҳмедова. - Ўғлим Бобурбек ҳам шундай мукофотларга муяссар бўлишини Яратгандан тилаб доимо дуодаман. Унинг наманганлик тенгдошларидан Сарвар Муродиллаев билан Муҳаммадхон Юсуповлар ушбу мукофотга лойиқ топилганликлари менга оламча қувонч ва умид бағишлайди.

Дарҳақиқат, онахоннинг фахрланганича бор. Ўғли Бобурбек 2003 йилдан буён спортнинг каратэ-до тури билан шуғулланиб келмоқда. 12 ёшида водий чемпионатида биринчиликни эгаллаган. 2013 йили Ўзбекистон чемпиони бўлиш бахти мушарраф айлаган. 2015 йили эса Осиё чемпиони мақомини қўлга киритди. Келгуси йили "Kombat IKDO" бўйича спорт усталигига номзод бўлган. Айни пайтда Ўзбекистон Миллий гвардияси қисмида йигитлик бурчини ўтамоқда.

Онахон Чортоқ туманида туғилиб ўсган, Наманган муҳандислик-қурилиш инс­титутида таҳсил олаётган Сарварнинг ютуқларидан ҳам бохабар. Ахир у ҳам ўғли каби каратэда тобланган, муносиб мавқега эга. Яқинда Малайзия пойтахти Каула-Лумпур шаҳрида каратэ бўйича ўтказилган хал­қаро турнирда ҳам қатнашди. 67 килограмм вазн тоифасида Индонезия, Эрон ва Малайзия вакилларини енгиб, олтин медални қўлга киритган. Ҳиндистоннинг Деҳли шаҳрида ўтказилган "Kamagata Gup" халқаро турнирида ҳам шоҳсупанинг энг юқори поғонасига кўтарилди.

23 ёшли Муҳаммадхонга янги таъсис этилган мукофот институт талабаси бўлиш имтиёзини ҳам туҳфа қилди. У Ўзбекистон Давлат жаҳон тиллари университетининг таржима назарияси ва амалиёти факультетини танлади.

У 2014 йили Наманган туманидаги Олаҳамак иқтисодиёт коллежини битирган эди. Давлат мукофотига адабиёт йўналишининг наср ва драматургия соҳаси бўйича эришди. "Янги авлод - 2009" республика иқтидорли ёшлар танловининг вилоят босқичида биринчиликни эгаллаган. Қозоғистон Республикасининг "Сайрам сабоси" наш­ри томонидан ўтказилган энг яхши қисқа ҳикоялар бўйича танлови ҳамда "PROI'odie" II кинофес­тивали ғолиби.

2018 йил унинг учун омадли келди. "Қисқа ҳикоялар" номли китоби чоп этилди. Ўзи Ёшлар иттифоқи муассислигидаги  Республика ёш ижодкорлар кенгашида иш бошлаши зиммасидаги масъулиятни ҳар қачонгидан ҳам оширгани табиий.

Бобурбекнинг онаси Сарвар ҳамда Муҳаммадхонларга ҳавасу ҳайрат билан боқаётгани турган гап. Фарзандларининг "Мард ўғлон" бўлишини орзулаётган мингбулоқлик онахонлар эса ягона эмас. Ким ҳам она Ватанига садоқат билан хизмат қиладиган ўғлидан фахр-ифтихор туюшни хоҳламайди юртимизда.

МунаввархонМУРОДИЛЛАЕВА,

Ўзбекистон Республикаси Қуролли кучлари

академиясининг тиллар кафедраси ўқитувчиси.