Халқ депутатлари Мингбулоқ тумани Кенгашининг ҚАРОРИ

2020 йил учун Мингбулоқ тумани маҳаллий бюджетини тасдиқлаш тўғрисида

 

Ўзбекистон Республикасининг “2020 йил учун Ўзбекистон Республикасининг Давлат бюджети тўғрисида”ги Қонунига (кейинги ўринларда Қонун деб юритилади) мувофиқ, 2020 йилда Халқ депутатлари Кенгашларини маҳаллий бюджетларни бошқаришда, хусусан маҳаллий бюджет харажатларини ҳудудий бюджет маблағлари тақсимловчилар кесимида тасдиқлаш ва уларнинг Кенгаш олдидаги ҳисобдорлигини белгилаш бўйича ваколатлари кенгайтирилди.

Қонуннинг 18-моддасига асосан, 2020 йил учун туман маҳаллий бюджетини қабул қилиш бўйича Халқ депутатлари Мингбулоқ тумани Кенгаши

 

ҚАРОР ҚИЛАДИ:

 

1. Ўзбекистон Республикасининг “2020 йил учун Ўзбекистон Республикасининг Давлат бюджети тўғрисида” 2019 йил 9 декабрдаги
ЎРҚ-589-сон Қонуни, Халқ депутатлари Наманган вилояти Кенгашининг “2020 йил учун Наманган вилоятининг маҳаллий бюджети тўғрисида” 2019 йил
16 декабрдаги 228/43-05-сон қарори раҳбарлик ва ижро учун қабул қилинсин.

  1. Наманган вилояти Халқ депутатлари Кенгашининг “2020 йил учун Наманган вилоятининг маҳаллий бюджети тўғрисида” 2019 йил 16 декабрдаги 228/43-05-сонли қарорига асосан Мингбулоқ тумани маҳаллий бюджетитартибга солувчи бюджетлараро трансферт 50 186 750.0 минг.сўм миқдорида тасдиқланганлиги маълумот учун қабул қилинсин.
  2. Қонуннинг 19-моддаси ҳамда Наманган вилояти Халқ депутатлари Кенгашининг “2020 йил учун Наманган вилоятининг маҳаллий бюджети тўғрисида” 2019 йил 16 декабрдаги 228/43-05-сонли қарорининг 4-иловасига асосан:

а) Қуйидаги солиқ турлари туман бюджетига тўлиқлигича ўтказиб берилади:

жисмоний шахслардан олинадиган мол-мулк солиғи;

жисмоний шахслардан олинадиган ер солиғи;

жисмоний шахсларнинг мулкларни ижарага беришидан оладиган йиллик даромадлари бўйича декларацияга асосан тўланадиган ҳамда якка тартибдаги тадбиркорлар томонидан тўланадиган даромад солиғи;

қурилиш материаллари бўйича ер қаъридан фойдаланганлик учун солиқ, бундан цемент хом ашёси ва цемент ишлаб чиқаришда фойдаланиладиган оҳактош мустасно;

сув ресурсларидан фойдаланганлик учун солиқ, бундан электр станциялари томонидан тўланадиган солиқ мустасно;

айланмадан солиқ;

юридик шахслардан олинадиган мол-мулк солиғи;

айрим товарларнинг чакана савдосига бериладиган ҳуқуқи учун ундириладиган йиғимлар;

қонун ҳужжатларида белгиланган миқдорларда Ўзбекистон Республикаси Давлат бюджетига ундириладиган бошқа йиғимлар (божхона йиғимларидан ташқари);

автотранспорт воситаларини харид қилганлик учун уларни ички ишлар органларида рўйхатдан ўтказиш чоғида автотранспорт эгалари (фойдаланувчилари) томонидан тўланадиган йиғимлар;

б) Қуйидаги солиқ турлари ва бошқа мажбурий тўловлар вилоятнинг вилоят бюджети ва туман бюджети ўртасида тақсимланади:

юридик шахслардан олинадиган ер солиғи;

жисмоний шахслардан олинадиган даромад солиғи.

в) Қуйидаги солиқ турлари ва бошқа мажбурий тўловлар тўлиғича вилоятнинг вилоят бюджетига ўтказилади:

якуний истеъмолчиларга бензин, дизель ёқилғиси ва газ реализация қилишдаги акциз солиғи;

фойда солиғидан тушумлар (Ўзбекистон Республикаси Президенти қарори билан тасдиқланадиган рўйхатга мувофиқ йирик тўловчилар, Ўзбекистон Республикасида доимий фаолият олиб борувчи муассаса орқали фаолият юритувчи Ўзбекистон Республикаси норезидентлари томонидан, шунингдек норезидентларнинг тўлов манбаида ушлаб қолинадиган даромадларидан тўланадиган фойда солиғидан ташқари);

қонун ҳужжатларида белгиланган миқдорларда давлат божлари (патент божи ва лицензия берганлик учун давлат божларидан ташқари);

қонун ҳужжатларида белгиланган миқдорларда Ўзбекистон Республикаси Давлат бюджетига ундириладиган жарималар;

қонун ҳужжатларида белгиланган тартибда давлат даромадига ўтказиладиган мол-мулк, маҳаллий давлат ҳокимияти органларининг активлари бўйича ажратмалар ва дивидендлар;

электр станциялари томонидан тўланадиган сув ресурсларидан фойдаланганлик учун солиқ;

қонун ҳужжатларида белгиланган миқдорларда давлат активларини ижарага бериш ва хусусийлаштиришдан тушадигандаромадлар.

г) агар қонун ҳужжатларида маҳаллий бюджетга тушадиган даромадларнинг тақсимланиши назарда тутилмаган бўлса, бу турдаги даромадлар вилоятнинг вилоят бюджетига ўтказилади.

4. Қонуннинг 21-моддасига асосан, Мингбулоқ туман маҳаллий бюджетининг харажатлар тизимида қуйидаги ўзгартиришлар киритилди ҳамда молиялаштириш тартиби қуйидагича белгиланди:

а) умумтаълим мактаблари ҳамда мактабгача таълим муассасаларининг биринчи ва иккинчи гуруҳ харажатлари Ўзбекистон Республикаси Халқ таълими вазирлиги ва Мактабгача таълим вазирлиги орқали (ушбу муассасаларнинг тўртинчи гуруҳ харажатлари туман бюджети ҳисобидан амалга оширилади);

б) туман бюджетидан:

фуқароларни ўзини ўзи бошқариш органлари орқали тайинланадиган ижтимоий нафақалар;

давлат санитария-эпидемиология назорати туман ва шаҳар марказларини сақлаш харажатлари молиялаштирилади.

  1. 2020 йил учун туман бюджети даромадлар прогноз кўрсаткичлари
    1-иловага мувофиқ маъқуллансин.

6. Туман бюджетидан 2020 йилги ҳудудий бюджет маблағларини тақсимловчиларга ажратиладиган бюджет маблағларининг чекланган миқдорлари 2-иловага мувофиқ тасдиқлансин.

7. Туман бюджетига умумдавлат солиқларидан ажратмалар меъёрлари
3-иловага мувофиқ тасдиқлансин.

8. 2020 йил учун туман бюджети захира жамғармаси ҳажми
1 242 816.0 минг сўм миқдорида белгилансин.

Туман ҳокимлиги захира жамғармаси маблағларини туман бюджетида кўзда тутилмаган,кечиктириб бўлмайдиган харажатларни, шунингдек, ижтимоий-иқтисодий беқарорлик юзага келган вазиятларда амалга оширилиши зарур бўлган тадбирларни молиялаштириш учун ажратилиши таъминлансин.

9. 2020 йил учун айланма касса маблағларининг йўл қўйиладиган энг кам миқдорилари йиллик иш ҳақи ва ягона ижтимоий тўлов миқдорларидан вилоят бюджетидан ажратилган трансфертнинг 50 фоизи айирилгандан қолган маблағнинг 2 фоизи миқдорида белгилаш юзасидан Ўзбекистон Респубикаси Президенти қарориданазарда тутилганлигини инобатга олиб туман бюджети 2020 йил учун айланма касса маблағларининг йўл қўйиладиган энг кам миқдори 439 398,0 минг сўмга белгилансин.

10. Туман ҳокимлиги, туман молия бўлими:

ҳудудий бюджет маблағлари тақсимловчилар томонидан тегишли бюджетларни биринчи навбатда иш ҳақи ва унга тенглаштирилган тўловлар, озиқ-овқат ва дори-дармон ва коммунал хизматлар харажатларининг режалаштирилишини назарда тутган ҳолда шакллантирилишини назоратга олсин;

ҳар чорак якуни билан кейинги чорак биринчи ойининг 25-санасига қадар расмий веб-сайтларга ўз тасарруфидаги бюджет ташкилотлари кесимида молиявий ҳисоботларни ҳамда бошқа тегишли маълумотларни жойлаштирсин;

маҳаллий бюджетларнинг қўшимча даромадларини 10 фоизидан кам бўлмаган миқдорларда жамоатчилик фикри асосида белгиланган тадбирларни молиялаштиришга йўналтиришни таъминласин, веб-сайтларига уларнинг натижаларини жойлаштирсин.

11. Туман ҳокимлиги, чораклар якуни бўйича мазкур қарорнинг
1-иловасида келтирилган даромадларнинг прогноз кўрсаткичлари ҳокимликнинг фаолиятига боғлиқ бўлмаган ҳолда 5 фоиздан ортиқ миқдорга бажарилмаса ва молия йили охиригача ушбу маблағларнинг тушиш эҳтимоли бўлмаса, вилоят ҳокимлигигаҳаражатларни мақбуллаштириш юзасидан таклифлари билан бирга киритилган мурожаатига асосан тартибга солувчи бюджетлараро трансфертлар миқдорини ошириш ёки харажатларни мақбуллаштириш таклифларини киритсин.

12. Туман ҳокимлиги Қонуннинг 24-моддасига асосан тегишли равишда ҳудудий бюджет маблағлари тақсимловчиларнинг бюджет маблағларидан самарали фойдаланилиши ҳамда эришилган натижалар бўйича ҳисоботлариниКенгашга киритилишинитаъминласин.

13. Туман ҳокимлиги бюджет даромадлари ва харажатларининг кўрсаткичларинибажарилишинитаъминлаш, солиқ базасини кенгайтириш ҳамда иқтисодий салоҳиятини ошириш юзасидан зарур чора-тадбирлар кўриш, бюджет маблағларидан мақсадли ва самарали фойдаланиши устидан қатъий назоратни ўрнатиши учун туман Кенгашига доимий равишда маълумот киритиб борсин.

14. Бюджетдан маблағ олувчи муассаса ва ташкилотлар тизим ташкилотлари учун бюджетдан ажратиладиган маблағларни амалдаги қонунчилик талаблари асосида мақсадли ва самарали фойдаланилиши юзасидан зарур чора-тадбирлар кўриш;

тизим бўйича ҳар бир бюджет ташкилотлари раҳбар ходимларини мазкур масалада шахсий масъулияти ва жавобгарликларини белгилаш;

бюджет маблағларини ноқонуний сарфлаш ҳамда ўғирлик
ва камомадларини олдини олиш борасида доимий тушунтириш ишларини олиб бориш юзасидан тизимли ишлар ташкил этиш вазифалари топширилсин.

тегишли бюджетларни биринчи навбатда иш ҳақи ва унга тенглаштирилган тўловлар, озиқ-овқат ва дори-дармон ва коммунал хизматлар харажатларининг режалаштирилишини назарда тутган ҳолда шакллантирсин.

15. Туман ҳокимлиги Қонунда белгиланган айрим солиқлар ва тўлов ставкалари, солиқ солиш тартиблари ҳамда бошқа маълумотларни оммавий ахборот воситаларида ёритилишини таъминласин.

16. Халқ депутатлари Мингбулоқ туман Кенгашининг 2019 йил
17 декабрдаги 254/96-5-сонли қарори ўз кучини йўқотган деб ҳисоблансин.

17. Мазкур қарор бажарилишини назорат қилиш халқ депутатлари туман Кенгашининг маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари доимий комиссияси ва туман ҳокимлиги зиммасига юклатилсин.

 

 

Халқ депутатлари туман 

Кенгаши сессияси раиси                                            В.Нишонов

Туман ҳудудидаги юридик ва жисмоний шахсларга тегишли автомототранспорт воситалари ва уларга тиркамаларни мажбурий техник кўрикдан ўтказиш тўғрисида

“Маҳаллий давлат ҳокимияти тўғрисида”ги Ўзбекистон Республикаси Қонунининг (Ўзбекистон Республикаси Олий Кенгашининг Ахборотномаси, 1993 й., 9-сон, 320-модда) 6, 25-моддалари, “Йўл ҳаракати хавфсизлиги тўғрисида”ги Қонунининг (Ўзбекистон Республикаси қонун ҳужжатлари тўплами, 2013 й., 15-сон, 197-модда) 17-моддаси, Ўзбекистон Республикаси Вазирлар Маҳкамасининг
2003 йил 31 январдаги 54-сонли қарори билан тасдиқланган “Транспорт воситаларини мажбурий техник кўрикдан ўтказиш тартиби тўғрисида”ги Низомга (Ўзбекистон Республикаси қонун ҳужжатлари тўплами, 2003 й., 1-2-сон, 17-модда) мувофиқ транспорт воситаларининг 2020 йилда мажбурий техник кўригини ташкил қилиш мақсадида,

 

Қ А Р О Р    Қ И Л А М А Н:

 

1. Туман ҳудудидаги мулкчилик шаклидан қатъий назар юридик ва жисмоний шахсларга тегишли автомототранспорт воситалари ва уларга тиркамалар тегишли тартибда мажбурий техник кўрикдан ўтказилсин.

2. Туманда транспорт воситаларини техник кўрикдан ўтказиш қуйидаги даврийликка мувофиқ белгилансин:

а) тижорат асосида йўловчилар ташиш учун фойдаланиладиган енгил автомобиллар, автобуслар ва ўтириладиган жойлар сони 8 та ва ундан ортиқ бўлган (ҳайдовчининг ўрнидан ташқари), одамларни мунтазам ташиш учун жиҳозланган юк автомобиллари, йирик габаритли, оғир вазнли ва хавфли юкларни ташиш учун махсус транспорт воситалари ва уларга тиркамалар - бир йилда икки марта;

б) ишлаб чиқарилганлигига беш йилдан кўп бўлмаган (ишлаб чиқарилган йили ҳам шу жумлага киради) транспорт воситалари (мазкур банднинг
“а” кичик бандида кўрсатилган транспорт воситаларидан ташқари) - икки йилда бир марта;

в) ишлаб чиқарилган йилини ҳисобга олган ҳолда ишлаб чиқарилганлигига беш йилдан ортиқ бўлган транспорт воситалари, шунингдек ишлаб чиқарилган вақти аниқланмаган транспорт воситалари (мазкур банднинг “а” кичик бандида кўрсатилган транспорт воситаларидан ташқари) - бир йилда бир марта;

г) тиркамалар кўрикка транспорт воситаси - шатакчи учун белгиланган муддатларда;

д) навбатдаги техник кўрикдан ўтказишнинг илгари ўрнатилган муддатларидан қатъи назар, уларни ДЙҲХХ органларида рўйхатдан ўтказиш (қайта рўйхатдан ўтказиш) вақтида;

е) улар ишлаб чиқарилган йилдан қатъи назар, ДЙҲХХ органларида рўйхатдан ўтказилган (қайта рўйхатдан ўтказилган) кундан бошлаб бир йил ўтгач (мазкур банднинг «а» кичик бандида кўрсатилган ҳолатлар бундан мустасно).

3. Мазкур қарорнинг 2-банди “а” кичик бандида кўрсатилган транспорт воситаларининг техник кўриги:

биринчи марта - жорий йилнинг 1 мартидан 30 июнгача;

иккинчи марта-жорий йилнинг 1 сентябридан 31 октябргача ўтказилсин.

Юридик шахсларга қарашли бўлган транспорт воситаларининг техник кўриги жорий йилнинг 1 мартидан 30 июнгача ўтказилсин.

Жисмоний шахсларга қарашли бўлган транспорт воситаларининг техник кўриги жорий йилнинг 1 январдан 31 августгача ўтказилсин.

4. Туманда техник кўрикни ўтказиш учун тузилган комиссия таркиби
1-иловага мувофиқ, жисмоний ва юридик шахсларга тегишли бўлган транспорт воситаларининг 2020 йилги мажбурий техник кўригини ўтказиш жадвали
2-иловага мувофиқ тасдиқлансин.

5. Ўзбекистон Республикаси Вазирлар Маҳкамасининг 2003 йил
31 январдаги “Транспорт воситаларини мажбурий техник кўрикдан ўтказиш тартиби тўғрисидаги низомни тасдиқлаш ҳақида”ги 54-сонли қарори 3-банди талабларидан келиб чиқиб, туман мудофаа бўлими, ички ишлар бўлими ва Давлат хавфсизлик хизмати ҳарбий бўлинмалари транспорт воситалари мажбурий техник кўриклари ўз юқори ташкилотларининг қарори ва иш режаси асосида амалга оширилиши назарда тутилсин.

6. Мажбурий техник кўрик давомида комиссия таркибида иш олиб борувчи ходимларнинг доимий иш жойларидаги ойлик иш ҳақлари сақланиб қолинсин.

7. Мазкур қарор “Мингбулоқ” газетасида эълон қилинсин ва ҳокимликнинг расмий веб сайтига жойлаштирилсин.

8. Ушбу қарор расмий эълон қилинган кундан эътиборан кучга киради.

9. Мазкур қарорнинг ижросини назорат қилиш туман ҳокимининг ўринбосари М.Камалов зиммасига юклатилсин.

 

 

Туман ҳокими                                                  Н.Худойбердиев

ЧЕГАРА БИЛМАС БЕШАФҚАТ КОРОНАВИРУС

БАРЧАМИЗДАН ВИЖДОНАН ҲАРАКАТЛАНИШ ВА ЎТА ҲУШЁРЛИКНИ ТАҚАЗО ЭТМОҚДА

«Мингбулоқ» газетаси муҳаррирининг Мингбулоқ туман тиббиёт бирлашмаси бошлиғи Обиджон Қўлдошев билан мулоқоти ана шу мавзуда бўлди.

- Коронавирус оммавий ахборот воситалари ҳамда интернет тармоқларининг долзарб мавзуларидан бирига айланиб қолди. Ушбу юқумли касалликка чалинган, хасталик оқибатида вафот этаётган одамлар сони ортиб бораётгани ташвишланарли.  Қаерга борманг, ким билан суҳбатлашманг, шу ҳақда гап очилади.

Ўзбекистон Республикаси Президенти Шавкат Мирзиёев 18 март куни маҳалла ва оила масалаларига бағишланган видеоселектор йиғилишида  коронавирус муаммосига батафсил тўхталди. Вазият тўлиқ назорат остида эканини алоҳида таъкидлаб, халққа мурожаат қилди. Эпидемия кенг ёйилиб кетгани сабабли Жаҳон соғлиқни сақлаш ташкилоти уни пандемия деб эътироф этди. Минг афсуски, бу юқумли хасталик мамлакатимизни ҳам четлаб ўтмади.

- Бу ҳаётнинг кўп оғир синовларини ва яхши-ёмон кунларини бошидан кечирган халқимиз ҳаммасини тўғри тушуниб, масалага онгли ёндашмоқда. Муфтият раҳбарлигида диний уламолар юртимизга тинчлик-хотиржамлик, беморларга шифо тилаб, дуои фотиҳалар қилишмоқда. Миллати, тили ва динидан қатъи назар, ҳаммамиз якдилмиз ва, ишонамизки, бу қийинчиликлар, албатта, ўтиб кетади, - деди давлатимиз раҳбари. - Бунинг учун биринчи навбатда шифокорлар тавсияларига амал қилиб, шахсий гигиена ва санитария қоидаларига ҳар биримиз ўз оиламиз, болаларимиз билан уйимизда, ишхонамизда ва борадиган жойларимизда қатъий амал қилишимиз зарур. Касалликни яширмасдан, ўз вақтида мурожаат қилиш унинг олдини олишда энг самарали чорадир.

Иккинчидан, озиқ-овқат ва бошқа кундалик истеъмол маҳсулотларининг нархи ошиб кетмаслиги учун барча чоралар кўрилмоқда. Давлат солиқ қўмитаси, Бош прокуратура ҳузуридаги департамент бу борадаги ишларни кучайтириши керак.

Мамлакатимизда етарли даражада захира мавжуд, хавотир ёки ваҳимага тушишга ҳеч қандай асос йўқ. Аммо кўпга келган бу балога қарши ҳаммамиз биргаликда, бир ёқадан бош чиқариб ҳаракат қилишимиз лозим.

Барча давлат тузилмалари ва нодавлат ташкилотлар, муҳтарам нуронийларимиз, маҳалла ва хотин-қизлар, ёшлар бирлашмалари фаоллари оммавий ахборот воситалари орқали холис ва ҳаққоний, кенг тушунтириш ишларини кучайтиришига ишонаман.

Учинчидан, мажбурий таътил пайтида фарзандларимиз ўқув машғулотларини давом эттиришлари учун Ўзбекистон миллий телерадиокомпанияси билан биргаликда видеодарслар туркуми йўлга қўйилди.

Телерадиоканалларимиз ёшларнинг бўш вақтини мазмунли ўтказиш учун тарихимиз, бой маданиятимизга оид кўрсатув ва эшиттиришлар, ёшларимиз учун фойдали ва қизиқарли бадиий дастурлар, кинофильмларни кўпайтириши лозим.

Ҳурматли ота-оналаримиз ўз фарзандларини жаҳон ва миллий адабиётимизнинг энг ёрқин намуналари билан таништиришга ҳаракат қилсалар айни муддао бўларди.

Дарҳақиқат, мамлакатимиз раҳбари куюнганича бор. Ишончли манбааларда таъкидланишича, коронавирус инфекцияси ўткир вирусли касаллик бўлиб, кўпроқ юқори нафас йўлларини зарарлайди.

Инфекцияси ташқи муҳитга чидамсиз. 56 даража ҳароратда 30 дақиқада нобуд бўлади. 75 фоиз этил спирти ва таркибида хлор сақловчи дезинфекция воситалари таъсирида тезда зарарсиз ҳолатга келади. Вирус ҳаво томчи, ҳаво-чанг, мулоқот ва фекал-орал йўли билан ҳам юқиши мумкин. Шунинг учун одам кўп тўпланадиган жойларда юқиш хавфи юқори. Бир сўз билан айтганда, юқиш омиллари - ҳаво, озиқ-овқат ва кундалик мулоқотда бўладиган буюмлар. Касалликни қўзғатувчи вирус - асосан беморнинг балғам ажралмаларида кўпроқ.

Касалликнинг яширин даври 7-14 кун. Шунинг учун уни юқтирган-юқтирмаганлигини бу даврда одам сезмаслиги мумкин. Касаллик тана ҳароратининг кўтарилиши, қуруқ йўтал, кўкрак қафасининг қисиши, ҳаво етишмаслиги ва баъзи ҳолларда ич сурилиши билан намоён бўлиши мумкин. Сурункали касаллиги бор кексалар ва болаларга юқиш хавфи юқори.

Ҳукуматимиз томонидан касалликни республикамиз ҳудудига кириб келиши ва тарқалишининг олдини олишга қаратилган бир қатор профилактик тадбирлар амалга оширилмоқда. Жумладан, давлат чегараси кесишган жойлардаги ўтказиш пунктларидан касаллик бўйича эпидемик вазият мураккаб бўлган ҳудудлардан мамлакатимизга кириб келаётган йўловчилар устидан қатъий назорат ўрнатилган. Наманган вилояти ҳудудига четдан кириб келаётган аҳолини назорат қилувчи Поп ва Косонсой туманидаги ҳамда "Наманган" халқаро аэропортида ташкил этилган санитария назорати пунктлари фаолияти кучайтирилган ва СНП ходимлари масъуллиги оширилган.

Республика ССВнинг 2020 йил 24 январдаги 14-сонли буйруғи билан Коронавирусга қарши курашиш бўйича туну кун фаолият кўрсатувчи штаб ташкил этилган ва 2020 йил 27 январдан барча ДПМларида расмий кўрсатма бўлгунга қадар грипп касаллигига қарши чеклов тадбирлари эълон қилинган. Соғлиқни сақлаш ва Ички ишлар вазирликлари ўртасида мунтазам алоқа йўлга қўйилган. ХХРга бориб қайтган ўзбекистонлик фуқароларнинг рўйхати ИИВдан олиниб, ҳудудий оила поликлиникалари томонидан тўлиқ тиббий кўрикдан ўтказилмоқда ва 14 кунга тиббий назоратга олинмоқда.

Чет элга боришни режалаштиришда ўша давлатдаги эпидемик вазият бўйича тўлиқ маълумот олиш, вақтинча, эпидемиологик вазият барқарорлашгунга қадар сафарга чиқмаслик, шу билан бирга кўп одамлар йиғиладиган маданий дам олиш масканларига кирмаслик, нафас йўлларини ҳимояловчи шахсий ҳимоя воситаларидан (ниқобдан) фойдаланиш, жамоат жойларига боргандан кейин ва овқатланишдан олдин қўлларни ювиш, касалликнинг биринчи белгилари пайдо бўлганда, ўзини даволаш билан шуғулланмасдан зудлик билан тиббий муассасага мурожаат қилиш, бунда тиббиёт ходимларига хорижнинг қаерида бўлганлиги ва қачон келганлиги тўғрисида тўғри маълумот бериш зарур.

Коронавирус инфекциясига чалинганлик гумон қилинганда, шифокор келгунига қадар беморни алоҳида хонага ётқизиш лозим. У ётган хонани тез-тез шамоллатиш, зудлик билан беморга ва оиланинг бошқа аъзоларига дока ниқоб тақиш, беморга тез-тез лимонли ва наматакли чой, мева шарбатлари, асалли чой, оддий қайнатилган сув ичириш мақсадга мувофиқдир.

- Яна бир муҳим масалага эътиборингизни қаратмоқчиман, - дейилади Президентимиз мурожаатида. - Ҳозирги вазиятда айрим масъулиятсиз, ҳақиқий ҳолатдан бехабар ва ўзини "пиар қилиш"ни яхши кўрадиган одамлар турли миш-миш ва уйдирмаларни ­тарқатишга уринади.

Шу муносабат билан жамоатчилигимиздан илтимос қиламан: саросима ёки ваҳима кайфиятига берилмаслик керак. Матбуот ва ижтимоий тармоқларда нотўғри, асосланмаган маълумотларни тарқатишга йўл қўймаслигимиз зарур. Бу масалани ҳуқуқ-тартибот идоралари ҳам алоҳида назоратга олиши лозим.

Ҳукумат қийин аҳволга тушиши мумкин бўлган соҳа ва тармоқларни, йирик корхоналарни қўллаб-қувватлаш бўйича алоҳида чора-тадбирлар дастурини ишлаб чиқиб, амалга ошириши зарур.

Бу жараёнда, аввало, молия ва ­хомашё бозорида беқарорлик юзага келишига йўл қўймаслик лозим.

Иккинчидан, молиявий барқарорликни сақлаш ҳамда бозорларда нарх-навонинг ўсишининг олдини олиш зарур.

Учинчидан, иқтисодиётимизнинг базавий ва ҳал қилувчи тармоқлари узлуксиз ишлашини сақлаб қолиш керак.

Бунинг учун ҳар бир тармоқ, корхона ва ҳудуд кесимида манзилли ва аниқ тадбирларни амалга ошириш лозим бўлади.

Тўртинчидан, марказдан ҳудудий бюджетларни ва аҳолимизни қўллаб-қувватлаш асосий вазифаларимиз бўлиши шарт.

Бутун халқимиз аниқ билиши керак: биз коронавирусга қарши кураш фаолиятини ошкоралик тамойиллари асосида олиб боряпмиз.

Жаҳон жамоатчилигини ҳам, хал­қимизни ҳам вақтида хабардор этиб бор­япмиз. Керакли чораларни янада кучайтирамиз.

Кўпни кўрган халқимиз янада жипс­лашиб, аҳил ва ҳамжиҳат бўлиб, бу мураккаб синовларни ҳам енгиб ўтади, деб ишонаман...

Бинобарин, биз ким ва қайси ёшда ёки жинсда, қандай вазифада бўлишимиздан қатъий назар, Президентимизнинг мурожаатига виждонан амалий жавоб қайтаришимиз шарт. Барчамизни чегара билмас бешафқат коронавирус балосидан Яратганнинг ўзи асрасин. Яна айтишларича, асранганни Аллоҳ ҳам асрар экан.

Суҳбатдош Қосимжон АКБАРОВ.

ФЕРМЕРЛИККА ТЕНДЕР ТАНЛОВИ

ГУЛИСТОН ҲУДУДИ

1-лойиҳа. «Мамадаминов Пулатжон», балиқчилик, жами ер майдони 16,77 га, экин ери 14,43 га, бошқа ери 2,34 га, банитет бали 33.
2-лойиҳа. «Назиржон Нафиса МЧЖ», балиқчилик, жами ер майдони 31,07 га, экин ери 27,68 га, бошқа ери 3,39 га, банитет бали 28.
3-лойиҳа. Заҳирадаги ер, балиқчилик, жами ер майдони 27,11 га, экин ери 1,74 га, ўрмонзор 1 га, бошқа ери 24,37 га, банитет бали 28.
4-лойиҳа. «Улуғбек ҳалол балиқ», балиқчилик, жами ер майдони 34,1 га, экин ери 33,66 га, бошқа ери 0,44 га, банитет бали 31,4.
5-лойиҳа. «Бобурмирзо Шахло савдо», балиқчилик, жами ер майдони 44,37 га, экин ери 40,11 га, бошқа ери 4,26 га, банитет бали 31.
6-лойиҳа. «Зайлобиддин олтин балиқча», балиқчилик, жами ер майдони 49,21 га, экин ери 37,58 га, тутзор 0,11 га, бошқа ери 11,52 га, банитет бали 34.
7-лойиҳа. «Яккатол олтин замини», балиқчилик, жами ер майдони 26,49 га, экин ери 19,87 га, ўрмонзор 3,74 га, бошқа ери 2,88 га, банитет бали 38.
8-лойиҳа. Заҳирадаги ер, полизчилик, жами ер майдони 10,78 га, экин ери 10,21 га, бошқа ери 0,57 га, банитет бали 34.
9-лойиҳа. «Порлоқ Аччиқкўл», мойчилик, жами ер майдони 27,18 га, экин ери 26,04 га, бошқа ери 1,14 га, банитет бали 36.
10-лойиҳа. «Обиджон Валижон ўғли», шоличилик, жами ер майдони 7,95 га, экин ери 7,29 га, бошқа ери 0,66 га, банитет бали 35.
11-лойиҳа. «Миржалол Абдусаттор», мойчилик, жами ер майдони 6,56 га, экин ери 5,52 га, бошқа ери 1,04 га, банитет бали 52.
12-лойиҳа. «Фирдавс Нурли ҳаёт», чорвачилик, жами ер майдони 21,78 га, экин ери 21,39 га, бошқа ери 0,39 га, банитет бали 34.
13-лойиҳа. Заҳирадаги ер, балиқчилик, жами ер майдони 13,7 га, экин ери 13,05 га, бошқа ери 0,65 га, банитет бали 28.

ГУЛБОҒ ҲУДУДИ
1-лойиҳа. «Аъзамжон Мирзаҳмедов», балиқчилик, жами ер майдони 8,44 га, экин ери 4,4 га, бошқа ери 4,04 га, банитет бали 31.
2-лойиҳа. «Аъзамжон Мирзаҳмедов», шоличилик, жами ер майдони 12,55 га, экин ери 10,35 га, бошқа ери 2,2 га, банитет балли 31.
3-лойиҳа. «Хўжамов Зафар», балиқчилик, жами ер майдони 8,43 га, экин ери 6,77 га, бошқа ери 1,66 га, банитет бали 24.
4-лойиҳа. «Шохруҳ Юлдашев», иссиқхона, жами ер майдони 2 га, экин ери 2 га, банитет бали 61.
5-лойиҳа. «Шохруҳ Юлдашев», иссиқхона, жами ер майдони 2 га, экин ери 2 га, банитет бали 61.

НАМАНГАН ҲУДУДИ
1-лойиҳа. «Маҳкамов Илҳом», балиқчилик, жами ер майдони 23,17 га, экин ери 22,5 га, бошқа ери 0,67 га, банитет бали 38.
2-лойиҳа. «Ғаниева Зуҳро», балиқчилик, жами ер майдони 13,3 га, экин ери 11 га, бошқа ери 2,3 га, банитет бали 33.
3-лойиҳа. «Камолов Баҳодир Низомиддин», мойчилик, жами ер майдони 7,13 га, экин ери 6,6 га, бошқа ери 0,53 га, банитет бали 36.
4-лойиҳа. «Авазбек Алишер кўли», балиқчилик, жами ер майдони 7,54 га, экин ери 6,89 га, бошқа ери 0,65 га, банитет бали 33.

ГИГАНТ ҲУДУДИ
1-лойиҳа. «Мингбулоқ голден фиш», балиқчилик, жами ер майдони 39,9 га, экин ери 34,92 га, бошқа ери 4,98 га, банитет бали 31.
2-лойиҳа. Заҳирадаги ер, балиқчилик, жами ер майдони 10 га, бошқа ери 10 га, банитет бали 28.
3-лойиҳа. Заҳирадаги ер, балиқчилик, жами ер майдони 54,2 га, бошқа ери 54,2 га, банитет бали 28.
4-лойиҳа. «Барака мазгил замини», ўрмончилик, жами ер майдони 4,38 га, экин ери 4 га, бошқа ери 0,38 га, банитет бали 40.

АМИР ТЕМУР ҲУДУДИ
1-лойиҳа. Заҳирадаги ер, мойчилик, жами ер майдони 5,76 га, экин ери 5,4 га, бошқа ери 0,36 га, банитет бали 44.

ФАРҒОНА ҲУДУДИ
1-лойиҳа. Заҳирадаги ер, балиқчилик, жами ер майдони 25,47 га, бош¬қа ери 25,47 га, банитет бали 30.
2-лойиҳа. Заҳирадаги ер, балиқчилик, жами ер майдони 10,6 га, экин ери 3,16 га, бош¬қа ери 7,44 га, банитет бали 30.
3-лойиҳа. Заҳирадаги ер, мойчилик, жами ер майдони 8,76 га, экин ери 8,76 га, банитет бали 30.
4-лойиҳа. Заҳирадаги ер, балиқчилик, жами ер майдони 37,44 га, бош¬қа ери 37,44 га, банитет бали 32.
5-лойиҳа. Заҳирадаги ер, балиқчилик, жами ер майдони 55,31 га, бош¬қа ери 55,31 га, банитет бали 28.

Шоҳруҳ Кенжаев, [25.03.20 09:20]
НАВОИЙ ҲУДУДИ
1-лойиҳа. «Тўпсада тонги», мойчилик, жами ер майдони 6,81 га, экин ери 6,68 га, бошқа ери 0,13 га, банитет бали 40.
2-лойиҳа. «Раҳимова Маҳфуза», мойчилик, жами ер майдони 6,09 га, экин ери 5,87 га, бошқа ери 0,22 га, банитет бали 40.
3-лойиҳа. «Юнусали обод замини», мойчилик, жами ер майдони 6,19 га, экин ери 6 га, бошқа ери 0,19 га, банитет бали 40.
4-лойиҳа. «Довдуқлик Фурқат», сабзавотчилик, жами ер майдони 2 га, экин ери 2 га, банитет бали 61.
5-лойиҳа. «Довдуқлик Фурқат», сабзавотчилик, жами ер майдони 7,36 га, экин ери 5,2 га, тутзор 1 га, бошқа ери 1,16 га, банитет бали 40.
6-лойиҳа. Заҳирадаги ер, балиқчилик, жами ер майдони 20,5 га, бош¬қа ери 20,5 га, банитет балли 32.
7-лойиҳа. «Зардарё Дизайн Инвест», сабзавотчилик, жами ер майдони 5,4 га, экин ери 5,34 га, бошқа ери 0,06 га, банитет бали 52.

ИСТИҚБОЛ ҲУДУДИ
1-лойиҳа. Заҳирадаги ер, мойчилик, жами ер майдони 4,04 га, экин ери 3,93 га, ўрмонзор 0,11 га, банитет бали 35.
2-лойиҳа. «Абдулазиз Моҳинур савдо», боғдорчилик, жами ер майдони 32,44 га, экин ери 29,65 га, тутзор 0,37 га, боғ 1,8 га, бошқа ери 0,62 га, банитет бали 52.

ХОРАЗМ ҲУДУДИ
1-лойиҳа. Заҳирадаги ер, балиқчилик, жами ер майдони 2,02 га, бошқа ери 2,02 га, банитет бали 28.
2-лойиҳа. «Каримов Аҳаджон», балиқчилик, жами ер майдони 11,62 га, экин ери 8,7 га, бошқа ери 2,92 га, банитет бали 40.
3-лойиҳа. «Гўзал Феруз Гули», балиқчилик, жами ер майдони 13,76 га, бошқа ери 13,76 га, банитет балли 32.
4-лойиҳа. Заҳирадаги ер, ўрмончилик, жами ер майдони 5 га, бошқа ери 5 га, банитет бали 32.
5-лойиҳа. Заҳирадаги ер, ўрмончилик, жами ер майдони 7 га, бошқа ери 7 га, банитет бали 32.
6-лойиҳа. Заҳирадаги ер, ўрмончилик, жами ер майдони 5 га, бошқа ери 5 га, банитет бали 32.
7-лойиҳа. Заҳирадаги ер, ўрмончилик, жами ер майдони 6 га, бошқа ери 6 га, банитет бали 32.
Фермер хўжалиги ташкил этишни хоҳловчилар туман ҳокимлиги ҳузуридаги Ер участкаларини бериш (реализация қилиш) масалаларини кўриб чиқувчи комиссия (телефон: 45-21-4-84)га мурожаат этишлари мумкин.

Туман ҳокимлиги ахборот хизмати

Мингбулоқ тумани ҳокимининг МУРОЖААТИ

Ҳурматли мингбулоқликлар, қадрли ватандошлар!

Кеча Ватанимиз узра тарқалган коронавируснинг Ўзбекистонга кириб келиши ва Ўзбекистонда бу касалликнинг қайд этилгани ҳукуматимиз томонидан эълон қилинди. Бу воқеа, албатта, юртдошларимизни ҳавотирга солиши табиий хол. Лекин ҳеч қандай ҳавотирга, бирон-бир ваҳимага ўрин йўқ.

Мамлакатимизда бевосита муҳтарам Юртбошимиз ва ҳукуматимиз томонидан коронавирусга қарши кураш чоралари кўрилган бўлиб, бу йўналишда ишлар олиб борилмоқда. Жумладан, Мингбулоқ заминида ҳам. Айниқса, озиқ-овқат ва дори воситаларининг нарх-наволарининг кескин ошишининг олдини олиш бўйича тегишли ташкилотларнинг масъул шахслари иштирокида туманда ишчи гуруҳ тузилган бўлиб, бу бўйича ишлар олиб борилмоқда.

Эслатиб ўтаман, туманимизда ҳаёт учун зарурий озиқ-овқат маҳсулотларининг етарли захираси яратилган. Шундай экан, ҳеч қандай вахима ва саросимага ўрин йўқ.

Нуршод Худойбердиев,
Мингбулоқ тумани ҳокими