«КОВОРКИНГ»ГА ХУШ КЕЛИБСИЗ!

Жомашўй шаҳарчасида тадбиркор Аъзамжон Ҳасанов бунёд этган икки қаватли савдо маркази пештоқида «Коворкинг маркази» деган пешлавҳа пайдо бўлди.

«Yoshlar - kelajagimiz» Давлат дастури доирасида ташкил этилган мазкур марказни фойдаланишга топшириш маросими катта шодиёнага айланиб кетди.

Туман ҳокими, вилоят Кенгаши депутати Т. Рапиков мамлакатимиз, хусусан туманда ёшларга кўрсатилаётган эътибору ғамхўрликлар хусусида нутқ сўзлади. «Нуроний» жамғармаси туман бўлими раиси М. Саидмуродова сўзга чиқди.

Карнай-сурнай садолари остида алвон лента қирқилади. Меҳмону мезбонлар марказда ёш тадбиркорлар ва бўлажак ишбилармонлар учун яратилган шарт-шароитлар билан яқиндан танишдилар. Бу ерда 25 та янги иш ўрни ҳам яратилган.

                                                                                                                                                                                                                                                          Жамолиддин СОҲИБОВ,

туман тадбиркорликка кўмаклашиш маркази раҳбари.