ҲАМКАСБИМИЗ ҒОЛИБ Ўзбекистон Республикаси ИИВ Ёнғин хавфсизлиги бош бошқармасида «Давлат ёнғин назоратининг энг яхши инспектори» кўрик-танлови ўтказилди.

Вилоятимиз Ички ишлар бошқармаси (ИИБ) ЁХБ томонидан тақдим этилган ҳужжатлар кўрик-танлов низоми бандларига жавоб бериши маълум бўлди.

Иккинчи босқичда ходимлар томонидан расмийлаштирилган ҳужжатларни тўлиқ ва сифатли бажариш ҳамда тест синови якунида ҳам наманганликлар фаолияти юқори баҳоланди. Барча йўналишлардаги беллашувларда ўзларининг малакали мутахасис эканликларини кўрсатдилар.

туманимиз Ёнғин хавфсизлиги бўлими катта инспектори, сержант Шукурулло Омонуллаев кўрик-танлов якунларига кўра, Республика бўйича “Давлат ёнғин назоратининг энг яхши инспектори” деб топилди.

Ҳамкасбимизни кўрик-танловнинг республика босқичи ғолиби бўлганлиги билан самимий қутлаб, келгуси фаолиятида ҳам муваффақиятлар тилаймиз.

Аброр НАЗАРОВ,

туман ЁХБ инспектори, сержант.

ОҚСОҚОЛЛАР САЙЛОВИ ЯҚИН

2018 йилнинг 15 октябрида Президент томонидан "Фуқаролар йиғини раиси (оқсоқоли) сайлови тўғрисида"ги Қонун имзоланган эди. Бундан мақсад шаҳарча, қишлоқ, овул, шунингдек, шаҳарлардаги, шаҳарчалардаги, қишлоқлардаги, овуллардаги маҳалла фуқаролар йиғини раиси (оқсоқоли) сайловини ташкил этиш ва ўтказиш соҳасидаги муносабатларни тартибга солишдан иборат.

ҲОМИЙЛАРДАН БЕҒАРАЗ ҲИММАТ КИТОБСЕВАР ЎҚУВЧИЛАР РУҲИЯТИНИ ЯНАЯМ ОШИРМОҚДА

Ҳар қандай муносиб рағбат ёши, касби ва умуман кимлигидан қатъий назар одамга маънавий руҳ, ғайрат-шижоат бағишлайди. Республика кўрик-танлови ғолиблигига эришган китобхон ўқувчиларни Президентимиз томонидан «Spark» автомобиллари билан мукофотланиш бошланганидан буён кутубхоналару китоб дўконлари ҳар қачонгидан гавжумлашганига гувоҳ бўлаётгандирсиз? Китобхонлар сафи муттасил кенгаяётганлиги, уларнинг аксарияти ёшлар эканлигидан фахр-ифтихор туясан одам. Ўқувчи ва талабалар ўртасида китоб мутолааси ва китобхонлик маданиятини ривожлантиришга қаратилган маънавий-маърифий, оммавий тадбирлар ўтказишга эътибор ортганлиги, кутубхоналару болаларга китоб туҳфа қилаётган ота-оналар ва ҳомийларнинг беғараз ҳимматлари ҳам таҳсинга лойиқдир.