Мингбулоқдаги «Game club»да содир этилган пичоқбозлик юзасидан муҳокама йиғилиши ўтказилди
Унда туман ички ишлар бўлими бошлиғи Ғайрат Ғаниев томонидан содир этилган ҳолат бўйича маълумот берилди.
Жорий йилнинг 30 август куни соат 02:20 лар атрофида Мингбулоқ тумани Мулкобод маҳалласида яшовчи 2001 йилда туғилган фуқаро Ш.М ўзига тегишли бўлган «Game club»да уҳлаб ётганида, ўзининг таниши бўлган Ойбек маҳалласида яшовчи 2003 йилда туғилган А.А келиб, унга «Тоғам У.Юга ортиқча гап қилибсан» деб ўзаро жанжаллашган. Натижада Ш.М компьютерхонанинг «хот-дог» тайёрлаш жойида бўлган ош пичоқни олиб, А.Анинг қорин қисмига бир маротаба уриб, тан жароҳати етказган.
А.А туман тиббиёт бирлашмасига ётқизилган. Бирлашманинг 30.08.2022 йилдаги 317-сонли маълумотномасида А.Анинг баданида аниқланган жароҳатлар қорин олд деворидан қорин бўшилиғига кириб борган. Ингичка ичак деворларини ичак тутқичидан бошланиб, то орқа қорин пардагача давом этувчи кесилган жароҳати, қорин парда орти гематомаси, тарқалган геморагик аҳлатли перитонит, постгеморагик ва посттравматик шок 2 даражаси эканлиги кўрсатилган.
Мазкур ҳолат юзасидан Мингбулоқ тумани ИИБ ҳузуридаги Тергов бўлинмаси томонидан терговга қадар текширув ҳаракатлари олиб борилмоқда.
@mingbuloq_hokimligi