Янгиликлар
Аҳолини рўйхатга олиш тадбирига тайёргарликлар қай тарзда амалга оширилмоқда?
07.07.2022
Ўзбекистон Республикаси Вазирлар Маҳкамасининг 710-сон Қарорининг 1-иловасига мувофиқ 2022 йил 1 июлдан бошлаб 14 та туман ва шаҳарларда Аҳолини рўйхатга олиш бўлимлари ташкил этилиш вазифаси юклатилган бўлиб, бугунги кунда ушбу бўлимларга суҳбат асосида ходимлар танлаб олинди ва улар 1 июль кунидан бошлаб ўз фаолиятларини амалга ошириб келмоқдалар.
Бўлимнинг асосий вазифалари нималардан иборат бўлади?
Бўлимнинг асосий вазифалари рўйхатга олиш соҳасида ягона сиёсатни амалга ошириш ва уни ташкил этишнинг самарали тизимини таъминлаш;
халқаро стандартларга мувофиқ бўлган ягона рўйхатга олиш методологиясини ҳамда рўйхатга олиш варағи шаклларини амалиётга тадбиқ этиш;
маъмурий-ҳудудий бирликлар рўйхати ва чегараларини аниқлаштириш, кадастр органларидан картографик материалларни қабул қилиб олиш ва регистраторлар ҳамда рўйхатга олувчиларни хариталар билан таъминлаш;
рўйхатга олиш жараёнларини ташкил этиш ва ўтказишга вақтинча жалб этиладиган ходимларни танлаш ва уларни ўқитиш;
рўйхатга олиш жараёнларида шахсга доир маълумотларни йиғиш, тўплаш, сақлаш, умумлаштириш ва таҳлил қилиш ҳамда махфийлигини таъминлаш;
Бугунги кунда шу йилнинг 1 августидан 1сентябрига қадар аҳоли пунктларида уй-жой рўйхатини тузиш, харитадаги хонадонларни ўрганиш ишлари амалга оширилишини, бунда иш билан банд бўлмаган, хохловчи вояга етган Ўзбекистон Республикаси фуқаролар рўйхатлари комиссия томонидан шакллантириш ишлари амалга оширилмоқда. Ушбу тадбирда иштирок этмоқчи бўлган вояга етган Ўзбекистон Республикаси фуқароларни туман шаҳар комиссиялари ёки статистика бўлимларига мурожаат этишлари мумкин. Ушбу тадбирда иштирок этган фуқароларга қонунчиликда белгиланган тартибда меҳнатга ҳақ тўланишини маълум қиламиз.
Аҳолини рўйхатга олиш тадбирида фаол иштирок этинг. Янги Ўзбекистоннинг бир қисми бўлинг!
Зохиджонов Фарходжон Тохиржон ўгли
Мингбулоқ туман Ахолини рўйхатга олиш бўлим бошлиғи
Мингбулоқда 2022 йилда 5 та 5 қаватли жами 130 та хонадондан иборат кўп қаватли уйлар қурилиши амалга оширилмоқда
Жумладан Мустақиллик маҳалласи ҳудудида пудратчи "Mingbuloq sifat qurilish savdo" MCHJ томонидан 1 та 5 қаватли 20 хонадонли турар-жой биносининг 4-қават ғишт уриш ишлари ва ички пардозлаш ишлари бажарилмоқда. Якунлаш муддати 31.12.2022 йил.
Қўриқобод маҳалласида "Sherdor yurt bunyodkori" MCHJ томонидан 3 та 5 қаватли 90 хонадонли турар-жой ғишт уриш ва ички ва ташқи пардозлаш ишлари бажарилмоқда. Ҳозирда 38 фоизга бажарилган. Якунлаш муддати 31.12.2022 йил.
Пахтакор маҳалласида "Quruvchi Jo'rabek dizayin" MCHJ томонидан 1 та 5 қаватли 20 хонадонли турар-жой биносининг 4-қават ғишт уриш ишлари ва ички пардозлаш ишлари бажарилмоқда.
Барча объектларда қурилиш ишлари жадаллик билан олиб борилмоқда.